Павел Лібер пракаментаваў заяву пра ідэнтыфікацыю сілавікамі 1000 карыстальнікаў дадатку «Новая Беларусь»
СК сёння заявіў, што ідэнтыфікаваў больш за 1000 карыстальнікаў праграмы «Новая Беларусь». Распрацоўшык праграмы Павел Лібер пракаментаваў у фэйсбуку сітуацыю.
«Сябры, стала вядома, што беларускія сілавікі могуць прыходзіць да бізнэсаў з баймапкі, думаючы, што гэта і ёсць «Новая Беларусь», і іх за гэта трэба пераследаваць. Пакуль што мы ведаем пра 2 пакаяльныя відэа па прымусе і яшчэ адзін выпадак. Баймапка — асобны самастойны прадукт з асобнай камандай, які злучае людзей і бізнэсы/сэрвісы за мяжой. Усе даныя там публічныя і адкрытыя (!), праект увогуле не палітычны», — кажа Павел Лібер.
«Вы можаце ўбачыць кантэнт адтуль у дадатку SVAE (частка платформы «Новая Беларусь»), бо SVAE агрэгуе івэнты, мітапы, бізнэсы і іншае з адкрытых крыніц, але бізнесы самі не падаюцца ў SVAE — іх накіроўвае на сайт баймапкі. Сайт баймапкі не мае экстрэмісцкага статусу, таму любы бізнес, да якога прыйшлі, можа смела пацвердзіць, што нічога не парушае і не мае нічога агульнага з дадаткам «Новая Беларусь» / SVAE. Калі вы хвалюецеся за сваю бяспеку — вы можаце выдаліць свой бізнэс — на сайце баймапкі ёсць асабісты кабінет», — зазначае Павел Лібер.
Каментары