За сорак хвілін язды ад Мінска, у садовым таварыстве «Надзея-2000», размясціўся невялікі, але функцыянальны дом, пабудаваны з пераабсталяванага марскога кантэйнера, піша Mlyn.by.
Дом плошчай усяго 30 квадратных метраў, змяшчае ўсё неабходнае. Планіроўка ўключае ў сябе чатыры функцыянальныя зоны: прасторную кухню-гасціную, асобную спальню і сумешчаны санвузел.
Кухня-гасціная, якая з’яўляецца сэрцам дома, абсталяваная сучаснай мэбляй і тэхнікай. Некалькі вокнаў, уключаючы адно панарамнае, напаўняюць прастору натуральным святлом.
Спальня мае два акны, ёсць убудаваная шафа.
Санвузел сумешчаны, ёсць душавая кабіна і бойлер, які забяспечвае гарачае водазабеспячэнне. Ацяпленне электрычнае.
Участак мае 15 сотак, мяжуе з лесам.
Гэта крайні ўчастак, што гарантуе ўладальніку максімальную прыватнасць і адасобленасць.
Да ўчастка вядзе асфальтаваная дарога, што істотна спрашчае пад’езд.
Цана пытання — 29 тысяч даляраў.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары