Некаторым беларусам, якія пражываюць за мяжой, трэба будзе здаваць адбіткі пальцаў
У Беларусі пашыраны пералік асоб, якія падлягаюць абавязковай дзяржаўнай дактыласкапічнай рэгістрацыі. Зроблена гэта законам ад 2 лютага 2026 года № 130-З. Ён апублікаваны сёння на Нацыянальным прававым партале.
Напрыклад, дактыласкапіі будуць падлягаць грамадзяне Беларусі на тэрыторыі Беларусі, за выключэннем непаўналетніх, якія не дасягнулі 14‑гадовага ўзросту, і асоб, якія дасягнулі 75‑гадовага ўзросту, у тым ліку пры выдачы (абмене) дакументаў, якія сведчаць асобу:
— якія набылі грамадзянства (падданства) замежнай дзяржавы або атрымалі дазвол на жыхарства ці іншы дакумент замежнай дзяржавы, які дае права на льготы і іншыя перавагі ў сувязі з палітычнымі, рэлігійнымі поглядамі або нацыянальнай прыналежнасцю, якія праінфармавалі пра гэта органы ўнутраных спраў або дыпламатычныя прадстаўніцтвы або консульскія ўстановы Беларусі ва ўстаноўленым парадку;
— якія пастаянна пражываюць за межамі Беларусі і сталі на консульскі ўлік грамадзян, якія аформілі выезд для пастаяннага пражывання (аформілі пастаяннае пражыванне) за межамі Беларусі, у дыпламатычных прадстаўніцтвах або консульскіх установах Беларусі.
Гэта новаўвядзенне ўступае ў сілу з 1 ліпеня 2027 года.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах9
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Ужо бяруць на мяжы адбіткі і на ўездзе,і на выездзе.