Прэм'ерка Літвы адказала Марыі Калеснікавай наконт паляпшэння адносін з Беларуссю
Інга Ругінене пакуль не бачыць перспектыў пацяплення зносін Літвы і Беларусі.
У аўторак, 3 лютага, прэм’ер-міністр Інга Ругінене сустрэлася з Марыяй Калеснікавай, якая вярнулася на волю пасля больш як пяці гадоў незаконнага зняволення. Таксама Калеснікава сустрэлася з са старшынёй кіроўнай Сацыял-дэмакратычнай партыі Літвы Міндаўгасам Сінкявічусам.
На сустрэчах Марыя заклікала Літву і іншыя еўрапейскія краіны падтрымліваць намаганні ЗША ў дачыненні да Беларусі, заклікала павялічыць мабільнасць грамадзян Беларусі паміж Літвой і Беларуссю, падкрэсліваючы важнасць больш інтэнсіўнага руху з Еўропай і прапаноўваючы аднавіць чыгуначнае пасажырскае злучэнне Мінск—Вільня, а таксама абнавіць аўтобусныя маршруты.
Прэм’ер-міністр Літвы Інга Ругінене заявіла, што зараз не бачыць магчымасцяў для гэтага.
«Зразумелае імкненне апазіцыі даць людзям Беларусі больш магчымасцяў убачыць іншы лад, дэмакратычны лад, але пакуль мы адназначна не бачым магчымасцяў дазволіць больш паездак, перасячэнняў мяжы, мы пакуль не бачым магчымасцяў зрабіць адносіны «больш цёплымі», пакуль бачым адназначную пазіцыю з боку Беларусі — гібрыдныя атакі, шары, нашы перавозчыкі не атрымліваюць назад свае аўтамабілі», — сказала прэм’ер-міністр.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
будь у них хоть немного больше мозгов давно бы четко разделили свое отношение к властям и любым её сотрудникам, вплоть до вахтеров в исполкоме, и обычных людей.
первым - жесткие санкции автоматом, вторым - практически безвиз.
списки первых давно бы уже собрали с помощью киберпартизан и белпола.
но им же так проще - всех в одну корзину.