Вернікі Беларусі вызначыліся з духоўнымі цэнтрамі. Дзе будуць у мусульман і іўдзеяў?
Упаўнаважаны па справах рэлігій і нацыянальнасцяў Аляксандр Румак сустрэўся з вернікамі ў Нацыянальнай бібліятэцы, піша БелТа.
Румак нагадаў, што ў Беларусі жывуць прадстаўнікі 25 канфесій. Для іх Лукашэнка прапанаваў стварыць «цэнтры прыцягнення» — духоўныя цэнтры, якія змогуць наведаць не толькі вернікі, але і турысты.
Плануецца, што такія цэнтры створаць ва ўжо існуючых культурных аб'ектах.
«Цэнтрам ісламу ў Беларусі лічыцца Іўеўская мячэць. Вернікі іўдзейскай канфесіі вызначылі такім цэнтрам сінагогу ў Бабруйску, дзе створаны адпаведны комплекс. Ён уключае адноўленую сінагогу, Яўрэйскі дворык, у якім пабудавана Сцяна Плачу», — сказаў чыноўнік.
Таксама такія «духоўныя цэнтры» плануюць стварыць у Свята-Успенскім Жыровіцкім мужчынскім манастыры, Спаса-Еўфрасіннеўскім жаночым манастыры ў Полацку, а таксама ў касцёле ў Будславе.
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары