Летась амаль 5,7 тысячы беларусаў атрымалі польскае грамадзянства праз працэдуру прызнання
У 2024 годзе амаль 5,7 тысячы беларусаў атрымалі польскае грамадзянства праз працэдуру прызнання. Пра гэта сведчаць прааналізаваныя выданнем «Позірк» адкрытыя афіцыйныя даныя на польскім партале.
Прызнанне грамадзянінам Польшчы — гэта адміністратыўнае рашэнне, якое прымае ваявода (рэгіянальны кіраўнік), калі ў іншаземца ёсць цесная сувязь з Польшчай: пастаяннае пражыванне, дазвол на жыхарства, польскія карані і іншыя законныя падставы. Гэтая працэдура адрозніваецца ад надання грамадзянства прэзідэнтам краіны.
Найбольш беларусаў летась прызналі грамадзянамі Польшчы ў Мазавецкім ваяводстве (тут знаходзіцца Варшава) — 2248 чалавек. Далей ідуць: Паморскае — 726, Падляшскае — 663, Велькапольскае — 432, Малапольскае — 431 і іншыя ваяводствы.
Усяго органы ўлады Польшчы прынялі 10 925 станоўчых рашэнняў аб прызнанні грамадзянства для 14 828 іншаземцаў. Беларусы складаюць 38,34% ад гэтай колькасці, саступаючы толькі ўкраінцам (7451 чалавек, або 50,27%).
Таксама ў 2024 годзе 506 іншаземцам адмовілі ў прызнанні грамадзянства, у тым ліку 148 беларусам і 216 украінцам.
Паводле звестак Упраўлення па справах іншаземцаў, на канец лютага 2024 года ў Польшчы жылі 143,1 тысячы грамадзян Беларусі з афіцыйнымі дакументамі, што легалізуюць іх знаходжанне ў краіне.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам22
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары