Еменскія хусіты, якія падтрымліваюцца Іранам, упершыню афіцыйна заявілі пра каардынацыю ракетнай атакі на Ізраіль разам з іранскай арміяй, піша Reuters.
У нядзелю групоўка хусітаў з Емена абвясціла, што нанесла балістычныя ракетныя ўдары па цэнтральнай частцы Ізраіля ў цеснай каардынацыі з Іранам. Гэта першы выпадак, калі праіранская сіла адкрыта пацвердзіла сумесную ваенную аперацыю з Тэгеранам.
Прадстаўнік хусітаў Ях'я Сарэа выступіў з тэлевізійнай заявай, у якой адзначыў, што аперацыя была накіраваная на «перамогу прыгнечаных палестынскага і іранскага народаў». Паводле яго, атакі скаардынаваны з дзеяннямі іранскай арміі супраць Ізраіля.
Ізраільскія вайскоўцы пацвердзілі, што сігналы паветранай трывогі прагучалі ў некалькіх раёнах краіны пасля ракетных запускаў з боку Ірана і Емена.
З пачатку вайны паміж Ізраілем і ХАМАС 7 кастрычніка 2023 года хусіты рэгулярна абстрэльваюць ізраільскія аб’екты ў падтрымку Палестыны. Большасць іх ракет і дронаў перахопліваюцца.
Канфлікт паміж Іранам і Ізраілем працягвае эскаліравацца з моманту, калі ў пятніцу Ізраіль нанёс беспрэцэдэнтны ўдар па тэрыторыі Ірана з мэтай разбурыць іранскую ядзерную праграму.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары