П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі
У Гомелі судзяць васьмікласніка за збіццё мінакоў і супраціў міліцыі.
Інцыдэнт адбыўся ў буйным гандлёвым цэнтры Навабеліцы. Кампанія з трох нецвярозых школьнікаў прыйшла бавіць час у зоне фудкорту. Адзін з іх заснуў проста за столікам, другі пайшоў дадому, а трэці ўвязаўся ў бойку з двума выпадковымі мінакамі. Крыкі разбудзілі заснулага васьмікласніка, і ён далучыўся да бойкі, піша «Белка».
Адміністратары гандлёвага цэнтра націснулі трывожную кнопку. Група затрымання атрымала ад пацярпелых прыкметы зламыснікаў і хутка знайшла іх на паркоўцы. Пры затрыманні п’яны падлетак супраціўляўся, біў міліцыянераў нагамі і спрабаваў ужыць барцоўскі прыём. Яго ўсё ж даставілі ў аддзел без збіцця.
«Абвінавачанага нельга назваць паспяховым падлеткам. За месяц да апісаных падзей ён махлярскім спосабам выкарыстаў чужую банкаўскую картку для пакупак у інтэрнэце. Суд, вядома, улічыць і гэтую справу. Што да эпізоду з супрацівам міліцыі, то эксперты прыйшлі да высновы, што малады чалавек усведамляў свае дзеянні і мог імі кіраваць. 16-гадоваму гомельцу пагражае да 7 гадоў пазбаўлення волі або абмежаванне волі да 3 гадоў без накіравання ў папраўчую ўстанову адкрытага тыпу», — распавёў «Белцы» намеснік пракурора Гомеля Павел Чырыкаў.
Каментары
Такія "навіны" абавязкова трэба падаваць пад папераджальным запісам "паводле версіі міліцыі".
И в чём он неправ?
Он просто копировал действия милиции.