Забарона на пастаўкі расійскага звадкаванага прыроднага газу ўступіць у сілу з 1 студзеня 2027 года, а трубаправоднага — з 30 верасня 2027 года.
Рада ЕС ухваліла поўную забарону на пастаўкі расійскага газу ў Еўрапейскі саюз. Забарону будуць уводзіць паэтапна, і для дзеючых кантрактаў прадугледжаны пераходны перыяд.
У выніку перад увозам газу на тэрыторыю ЕС краіны-члены будуць абавязаныя правяраць краіну яго паходжання. Да 1 сакавіка 2026 года ўсе краіны Еўрасаюза павінны падрыхтаваць і прадставіць нацыянальныя планы па дыверсіфікацыі паставак газу, а таксама вызначыць патэнцыйныя праблемы, звязаныя з замяшчэннем расійскай сыравіны. Кампаніі таксама абавязаныя паведамляць нацыянальным уладам і Еўракамісіі пра ўсе кантракты на пастаўку расійскага газу, якія засталіся.
За невыкананне правілаў прадугледжаны штрафы: для фізічных асоб — не менш за 2,5 млн еўра, а для кампаній — не менш за 40 млн еўра або 3,5% ад іх гадавога сусветнага абароту (у залежнасці ад таго, якая сума большая). У якасці альтэрнатывы штраф можа скласці 300% ад разліковага абароту па здзелцы, што парушыла забарону.
Пры гэтым у выпадку надзвычайнай сітуацыі, калі бяспека паставак у адной або некалькіх краінах ЕС апынецца пад пагрозай, Еўракамісія атрымае права прыпыніць дзеянне забароны, але не больш як на чатыры тыдні.
Паводле ацэнак Еўракамісіі, летась на расійскі газ прыпадала каля 13% імпарту саюза — гэта больш за 15 млрд еўра.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй15
Каментары
[Зрэдагавана]