Лукашэнка расказаў, што карова павінна стаяць у палацы і кожнаму неабходна «хоць па дзве баразёнкі» бульбы пасадзіць
Аляксандр Лукашэнка сёння займаецца сваёй улюбёнай тэмай — сельскай гаспадаркай. «Не хочаце ў акопах сядзець, у гразі вошай пладзіць — давайце працаваць», — заявіў ён.
Лукашэнка нагадаў чыноўнікам, што ўжо прапаноўваў паставіць у Беларусі помнік карове ў знак заслуг гэтай жывёлы ў жыцці людзей, і асабліва ў гады Другой сусветнай вайны.
«Людзі сыходзілі ў лясы і з сабой бралі жывёлу, каб выжыць. Карова і сёння корміць народ. Гэта не толькі малако, але і мяса, — сказаў Лукашэнка падчас паездкі па Мінскім раёне. — Калі мы хочам быць здаровымі, трэба дыхаць нармальным паветрам і харчавацца нармальнымі прадуктамі, зыходзячы з гэтага, карова, вобразна кажучы, павінна стаяць у палацы».
Лукашэнка падкрэсліў, што вырабляць малако высокай якасці — гэта вельмі прыбыткова.
«Жарты ў бок. Паўтараю яшчэ раз: не хочаце ў акопах сядзець, у гразі вошай пладзіць — давайце працаваць», — прыгразіў ён.
Ён параіў не забываць пра свае прысядзібныя ўчасткі: «хоць бы па дзве баразёнкі высаджваць бульбы».
Падзяліўся і сваім вопытам — сёлета Лукашэнку на двух участках высадзілі бульбу ад Акадэміі навук.
«Усіх забяспечу бульбай, хто тут стаіць», — паабяцаў ён.
-
У Варшаве замежнікаў правяралі «патрульныя» ў форме, якія не маюць дачынення да дзяржаўных органаў
-
Беларуска знайшла італьянскую сям’ю, якая прыняла яе пасля Чарнобыля. Яна думала, што італьянцы яе кінулі
-
21‑гадовага хлопца са Светлагорска пасадзілі за палітыку. Хлопец жыў у дзетдоме, а нядаўна сам стаў бацькам
Цяпер чытаюць
Беларуска знайшла італьянскую сям’ю, якая прыняла яе пасля Чарнобыля. Яна думала, што італьянцы яе кінулі1
Каментары
Выступление по сценарию с использованием всеми любимой фразы, как способ пиара.