Служба бяспекі Украіны заявіла, што прадухіліла чарговы замах на журналіста Дзмітрыя Гардона
Як паведаміў кіраўнік СБУ Васіль Малюк, украінскім спецслужбам удалося выкрыць дзве сеткі, якія займаліся падрыхтоўкай замаху на вядомага ўкраінскага журналіста Дзмітрыя Гардона.
Першая з іх — гэта група, якую ўзначальваў былы народны дэпутат ад Партыі рэгіёнаў Віталь Грушэўскі. Ён ужо знаходзіцца пад вартай. Паводле інфармацыі СБУ, злачынцы планавалі выкарыстаць самаробнае выбуховае прыстасаванне або нанесці ўдар дронам па Гардону.
Другая — дагестанская этнічна-крымінальная групоўка, якая дзейнічала ў інтарэсах ФСБ Расіі. Яе лідар збіраў інфармацыю пра маршруты перамяшчэння Гардона, месцы яго знаходжання і пражывання. Калі б журналіст быў без аховы, яго планавалі забіць з кароткай агнястрэльнай зброі; калі ж з ахоўнікам — то з аўтамата, а пасля дабіць пісталетам.
Абедзве групы ўжо затрыманыя, і падазраваныя даюць паказанні. Паводле слоў Малюка, лідар дагестанскай групоўкі прызнаў сваю сувязь з расійскімі спецслужбамі і ўдзел у падрыхтоўцы замаху на Гардона. За выкананне забойства ФСБ абяцала ім $400 000, сцвярджае СБУ.
У Беларусі па заяве ГУБАЗіКа ўсе акаўнты ўкраінскага журналіста Дзмітрыя Гардона на ўсіх платформах прызнаныя экстрэмісцкімі матэрыяламі, у тым ліку і інтэрв'ю з Лукашэнкам.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары