Зяленскі ўпершыню з’явіўся на саміце NATO ў касцюме — але не ў класічным
Прэзідэнт Украіны Уладзімір Зяленскі прыбыў на сустрэчу лідараў NATO у строі, які знешне нагадвае касцюм — цёмны пінжак і штаны, але без гальштука і класічнай кашулі.
На першы погляд — афіцыйны стыль, але на справе гэта не традыцыйны formal look. Стыль Зяленскага застаецца ранейшым: без лішняга глянцу, блізкі да вайсковага smart casual — пасланне, якое ён нясе з пачатку поўнамаштабнай вайны.
Класічны афіцыйны касцюм прадугледжвае лацканы, гальштук, кашулю і туфлі. Тут жа — адаптаваны стыль, які працягвае сігналізаваць сціпласць, мабільнасць і салідарнасць з вайскоўцамі.
У лютым 2025 года падчас сустрэчы ў Авальным кабінеце Белага дома паміж прэзідэнтам ЗША Дональдам Трампам і прэзідэнтам Украіны Уладзімірам Зяленскім узнікла напружаная сітуацыя, звязаная з выбарам адзення Зяленскага.
Прэзідэнт Украіны ад пачатку поўнамаштабнай вайны ў 2022 годзе аддае перавагу ваеннаму стылю ў адзенні.
У лютым 2025 года Трамп сустрэў яго саркастычнай заўвагай: «О, вы сёння ўбраны», што выклікала смех у зале.
Падчас прэс-канферэнцыі журналіст Браян Глен спытаў Зяленскага, чаму ён не носіць касцюм, і ці ўвогуле ён яго мае. Зяленскі адказаў: «Я апрану касцюм, калі вайна скончыцца. Магчыма, нешта падобнае на ваш, магчыма, лепшае, магчыма, таннейшае».
Гэты інцыдэнт стаў прадметам шырокага абмеркавання ў СМІ і выклікаў розныя рэакцыі ў палітычных колах.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары
Калі шукаюць, як кампенсаваць цывілізацыйнае адставанне "традыцыйнасцю" і "натуральнасцю".
(Дарэчы і той штамп у свой час займалі ў Германіі).
Зяленскі сам укладвае ў касцюм свой сэнс. Вось яго і спрабуюць прачытаць.