Будаўніцтва пачнецца ў пачатку 2027 года.
У аэрапорце Вільні, праз які лятаюць па Еўропе і многія беларусы, пабудуюць новы тэрмінал прыбыцця. Дызайн распрацавала сусветна вядомая архітэктурная студыя Zaha Hadid Architects. Яна перамагла ў конкурсе на найлепшую архітэктурную канцэпцыю, які праводзіла кампанія Lithuanian Airports.
Чакаецца, што будаўніцтва новага тэрмінала пачнецца ў пачатку 2027 года. Завяршыць яго плануюць да канца 2028 года.
Стары будынак перастаў адпавядаць патрэбам аэрапорта.
«Нашымі ключавымі мэтамі з'яўляюцца функцыянальнасць і выдатная якасць абслугоўвання пасажыраў. Мы рады, што архітэктурная канцэпцыя, якая перамагла, адлюстроўвае гэтыя прыярытэты, прапаноўваючы арыгінальныя рашэнні. У прапанаваным дызайне гарманічна спалучаюцца сучасная, арыентаваная на будучыню інфраструктура і культурная самабытнасць Літвы», — сказаў Сімонас Барткус, генеральны дырэктар Lithuanian Airports.
Як тлумачыць студыя Zaha Hadid Architects, іх праект аб'яднае ўсе тэрміналы аэрапорта ў адзіны комплекс.
Новы тэрмінал будзе спраектаваны такім чынам, каб забяспечыць плаўную інтэграцыю з цягнікамі, аўтобусамі, веласіпедамі і іншымі відамі транспарту. Праект уключае ў сябе экалагічна чыстыя рашэнні, такія як сістэмы збору дажджавой вады, азеляненне, матэрыялы з прыродных рэсурсаў.
Дызайнеры паспрабавалі гарманічна спалучыць літоўскую культурную самабытнасць з сучасным дызайнам. Форма тэрмінала заснавана на геаметрыі ромба і трыкутніка, натхнёна традыцыйнымі літоўскімі матывамі. Новы тэрмінал і Прывакзальная плошча задуманы як адзінае цэлае.
Архітэктары, чые канцэпцыі трапілі ў пяцёрку найлепшых на конкурсе, раздзеляць прыз у памеры 120 000 еўра.
У 2025 годзе ў віленскім аэрапорце адкрыўся новы тэрмінал вылету.
Цяпер чытаюць
Пяць мутных момантаў у гісторыі пра даносчыка Бялюціна і «спецаперацыю» КДБ7
Пяць мутных момантаў у гісторыі пра даносчыка Бялюціна і «спецаперацыю» КДБ
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары
Але адкуль такое пашкоджанае ўспрыманне свету?
Літоўцы пакутавалі ад саўка, але нічога не разбураюць. Дарэчы, у старым будынку есць і калоны, і пазалота, і выява краіны.)
І літоўцы ім ганарацца. Нічога не разбураюць. Усе будынкі стаяць па ўсей краіне.
А большасць беларусаў і расейцаў у Мінск-3 адразу узбуджаюцца і ржуць са старога будынка. Ім патрэбна ўсе разбурыць і пабудаваць усе ў стылі мадерновага "Эура".
Сапраўды, савок - ен у галавах... Там яго трэба перамагчы, а не ў наваколлі..