У Польшчы затрымалі дзясяткі тысяч падробленых лекаў, у тым ліку і з Беларусі
Са снежня 2024 па май 2025 года Нацыянальная падатковая адміністрацыя Польшчы ўдзельнічала ў міжнароднай аперацыі пад крыптанімам Pangea XVII, накіраванай супраць гандлю падробленымі і незаконнымі лекамі і медыцынскімі вырабамі. У акцыі ўдзельнічалі службы з 90 краін, а каардынаваў яе Інтэрпал, паведамляецца на сайце польскага ўрада.
У Польшчы да аперацыі далучыліся таксама паліцыя і Галоўны фармацэўтычны інспектарат.
У выніку гэтай дзейнасці было затрымана амаль 60 тысяч незаконных лекаў і медыцынскіх вырабаў. Праверкі праводзіліся на памежных пераходах, у лагістычных цэнтрах, аэрапортах і сартавальных цэнтрах пасылак.
Найбольш часта затрымлівалі прэпараты для стрававальнай сістэмы, нервовай сістэмы (у тым ліку псіхастымулятары, антыстрэсавыя лекі), а таксама харчовыя дабаўкі, травяныя сродкі, псіхатэрапеўтычныя прэпараты, стэроіды, абязбольвальныя і ветэрынарныя тавары.
Сярод медыцынскіх вырабаў былі: інгалятары, шпрыцы, іголкі, адсмоктвальныя апараты для дыхальных шляхоў, хірургічныя сурвэткі. Агульная вартасць канфіскаваных тавараў ацэньваецца больш чым у 800 тысяч злотых.
Адзначаецца, што большасць затрыманых прадуктаў паступала з Індыі і Украіны, а таксама з ЗША, Паўднёвай Карэі, Расіі і Беларусі. Гэтыя небяспечныя прадукты ў асноўным прызначаліся для польскіх або еўрапейскіх спажыўцоў.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары