Budaŭnictva pačniecca ŭ pačatku 2027 hoda.
U aeraporcie Vilni, praź jaki latajuć pa Jeŭropie i mnohija biełarusy, pabudujuć novy terminał prybyćcia. Dyzajn raspracavała suśvietna viadomaja architekturnaja studyja Zaha Hadid Architects. Jana pieramahła ŭ konkursie na najlepšuju architekturnuju kancepcyju, jaki pravodziła kampanija Lithuanian Airports.
Čakajecca, što budaŭnictva novaha terminała pačniecca ŭ pačatku 2027 hoda. Zaviaršyć jaho płanujuć da kanca 2028 hoda.
Stary budynak pierastaŭ adpaviadać patrebam aeraporta.
«Našymi klučavymi metami źjaŭlajucca funkcyjanalnaść i vydatnaja jakaść absłuhoŭvańnia pasažyraŭ. My rady, što architekturnaja kancepcyja, jakaja pieramahła, adlustroŭvaje hetyja pryjarytety, prapanoŭvajučy aryhinalnyja rašeńni. U prapanavanym dyzajnie harmanična spałučajucca sučasnaja, aryjentavanaja na budučyniu infrastruktura i kulturnaja samabytnaść Litvy», — skazaŭ Simonas Bartkus, hienieralny dyrektar Lithuanian Airports.
Jak tłumačyć studyja Zaha Hadid Architects, ich prajekt abjadnaje ŭsie terminały aeraporta ŭ adziny kompleks.
Novy terminał budzie sprajektavany takim čynam, kab zabiaśpiečyć płaŭnuju intehracyju ź ciahnikami, aŭtobusami, viełasipiedami i inšymi vidami transpartu. Prajekt uklučaje ŭ siabie ekałahična čystyja rašeńni, takija jak sistemy zboru daždžavoj vady, azielanieńnie, materyjały z pryrodnych resursaŭ.
Dyzajniery pasprabavali harmanična spałučyć litoŭskuju kulturnuju samabytnaść z sučasnym dyzajnam. Forma terminała zasnavana na hieamietryi romba i trykutnika, natchniona tradycyjnymi litoŭskimi matyvami. Novy terminał i Pryvakzalnaja płošča zadumany jak adzinaje cełaje.
Architektary, čyje kancepcyi trapili ŭ piaciorku najlepšych na konkursie, raździelać pryz u pamiery 120 000 jeŭra.
U 2025 hodzie ŭ vilenskim aeraporcie adkryŭsia novy terminał vyletu.
Ciapier čytajuć
Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy20
Kamientary
Ale adkul takoje paškodžanaje ŭsprymańnie śvietu?
Litoŭcy pakutavali ad saŭka, ale ničoha nie razburajuć. Darečy, u starym budynku jeść i kałony, i pazałota, i vyjava krainy.)
I litoŭcy im hanaracca. Ničoha nie razburajuć. Usie budynki stajać pa ŭsiej krainie.
A bolšaść biełarusaŭ i rasiejcaŭ u Minsk-3 adrazu uzbudžajucca i ržuć sa staroha budynka. Im patrebna ŭsie razburyć i pabudavać usie ŭ styli madiernovaha "Eura".
Sapraŭdy, savok - jen u hałavach... Tam jaho treba pieramahčy, a nie ŭ navakolli..