Экс-брамнік зборнай Генадзь Туміловіч будзе працаваць трэнерам у Ізраілі
Толькі нядаўна Туміловіч атрымаў грамадзянства Ізраіля.
Былы брамнік зборнай Беларусі Генадзь Туміловіч стаў галоўным трэнерам клуба па пляжным футболе «Рош-ха-Аін» з Ізраіля. Пра гэта Туміловіч распавёў у сваім telegram-канале.
Раней спецыяліст працаваў з расійскім «Крысталам» (Д1).
Тры месяцы таму Туміловіч атрымаў грамадзянства Ізраіля, пра што таксама эмацыйна паведамляў у тэлеграм-канале.
«Ужо ў Ізраілі. Як гэта атрымалася па цверазяку — дагэтуль зразумець не магу. Сяджу тыдзень, туплю, разважаю на гэтую тэму. Пакуль не ўкурыў, як так атрымалася: летась — ніводнага пашпарта не было, сёлета — ужо два. Дакументы атрымаў. Што буду рабіць, пакуль не ведаю. Цяпер адпачываю, кайф», — сказаў у сваім тэлеграм-канале Генадзь Туміловіч.
Вядома, што колішні вядомы футбаліст, а цяпер трэнер жыў некалькі гадоў у Расіі, а ў студзені перад выбарамі ездзіў у Беларусь мяняць пашпарт.
У клубе з Ізраіля ён гуляў у 1999-2000 гадах.
Туміловіч выступаў за зборную Беларусі ў перыяд з 1998 года па 2004-ы, правёў за яе 32 матчы. Адзначыўся не толькі гульнявымі якасцямі, але і часта эксцэнтрычнымі паводзінамі як на футбольным полі, так і па-за яго межамі.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
Каментары