Па ўсёй Беларусі плануюць увесці «чыстыя чацвяргі» — адзіныя дні для добраўпарадкавання
Начальнік гарадской гаспадаркі Мінгарвыканкома распавёў пра новую ініцыятыву па прыбіранні тэрыторый, якую планіруецца ўвесці на рэспубліканскім узроўні.
Чыноўнікі анансавалі правядзенне «адзіных дзён добраўпарадкавання» па ўсёй Беларусі. Аб гэтым расказаў начальнік мінскай гарадской гаспадаркі і энергетыкі Мінгарвыканкома Аляксандр Ракаўшчык.
У Мінску ўжо дзейнічае паняцце «чысты чацвер», кажа ён. У гэты дзень ад суб'ектаў гаспадарання патрабуюць прыбіраць замацаваныя за імі тэрыторыі, каб яны выглядалі аднолькава акуратна. Цяпер падобны адзіны дзень прыбірання тэрыторый прапануецца ўвесці ўжо на ўзроўні рэспублікі.
У самім Мінску да арганізацый ужываюць патрабаванні не проста прыбіраць гарадскія тэрыторыі, а менавіта ўпарадкоўваць іх — пастаўляць лавачкі, разбіваць кветнікі.
Прадстаўнік Мінгарвыканкома таксама ўдакладніў, што ў сталіцы, як і па краіне, траву абавязаны касіць не радзей за адзін раз у месяц. Аднак калі з-за дажджоў вышыня травы раней за тэрмін перавысіла 20 сантыметраў, то яе абавязаны скасіць.
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы20
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары