Прэзідэнт Украіны Уладзімір Зяленскі паведаміў, што Украіна прапанавала Расіі правесці новую сустрэчу на ўзроўні дэлегацый ужо на наступным тыдні. Пра гэта ён расказаў у сваім вячэрнім відэазвароце 19 ліпеня.
Паводле слоў Уладзіміра Зяленскага, цяпер працягваецца праца над чарговым абменам палоннымі, пра які дамовіліся падчас папярэдніх перамоў у Стамбуле. Зяленскі адзначыў, што над гэтым працуюць спецыяльныя каманды.
Толькі ўчора прызначаны на пасаду новы сакратар Рады нацыянальнай бяспекі і абароны Украіны Рустэм Умераў, які быў раней міністрам абароны і кіраўніком украінскай дэлегацыі ў Стамбуле, прапанаваў расійскаму боку правесці новую сустрэчу ўжо на наступным тыдні.
Зяленскі падкрэсліў, што «патрэбна павялічваць перамоўную дынаміку», і заклікаў Расію «перастаць хавацца ад рашэнняў» — спыніць забойствы, вярнуць дзяцей і працягваць працэс абмену палоннымі. Ён таксама заявіў, што патрэбная сустрэча на ўзроўні кіраўнікоў дзяржаў, каб дамовіцца пра сапраўдны мір.
Раней, 16 мая і 2 чэрвеня, адбыліся дзве сустрэчы ў Стамбуле, але, паводле ўкраінскага боку, Расія толькі паўтарала свае ультыматумы і патрабавала перадачы ёй часткі ўкраінскай тэрыторыі як умову для пачатку сур’ёзных перамоў.
Пасля гэтага прэзідэнт ЗША Дональд Трамп 14 ліпеня паставіў Расіі ультыматум: калі на працягу 50 дзён Масква і Кіеў не дамовяцца, то супраць Расіі і яе саюзнікаў ды гандлёвых партнёраў будуць уведзеныя новыя жорсткія санкцыі.
Зяленскі расказаў пра «мегаздзелку» з ЗША па ўзбраеннях
Мерц змог пераканаць Трампа пры дапамозе «дыпламатыі чэкавых кніжак»
Пуцін адхіліць ультыматум Трампа і рыхтуецца да новай эскалацыі ва Украіне
Трамп адгаварыў рэспубліканцаў ад падтрымкі закона аб «пякельных санкцыях» супраць Расіі
«Патэлефануйце Пуціну»: Рутэ папярэдзіў Кітай, Індыю і Бразілію пра другасныя санкцыі
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары
Переговоры на фоне террора населения Украины.....? Принуждение к миру террором ?