Падчас расійскай атакі ў ноч на 20 ліпеня чатыры беспілотнікі трапілі ў Ізюм. Адзін з іх пашкодзіў жылы двухпавярховы дом, два мірныя жыхары атрымалі раненні, паведаміла Ізюмская гарадская ваенная адміністрацыя.
Яшчэ тры трапілі па нежылым прыватным доме.
Пашкоджаны дом у Запарожжы пасля атакі ў ноч на 20 ліпеня 2025 года. Фота: Запарожская абласная ваенная адміністрацыя
Дроны атакавалі таксама Запарожжа. У выніку пацярпелі тры жанчыны. Дзве з іх — 64 і 73 гадоў — атрымалі раненні, калі дрон ударыў па іх доме ў Прыморскім, паведаміў кіраўнік Запарожскай абласной ваеннай адміністрацыі Іван Фёдараў.
У доме выбітыя вокны і пашкоджаны фасад. Жанчынам аказана неабходная медыцынская дапамога.
Каментары