Выдавец Раман Цымбераў запачаткаваў новую серыю кніг для дзяцей — «Ветрачок». Першай выйшла казка Генадзя Бураўкіна «Зай і яблынька». Таксама ўжо даступныя кнігі для дзяцей ад Андрэя Федарэнкі і Андрэя Налівы, піша Bellit.info.
Вершаваная казка вядомага паэта, аўтара слоў знакамітай «Калыханкі» (Доўгі дзень…) Генадзя Бураўкіна (1936—2014) вучыць маленькіх чытачоў асновам дабрыні і спагады. Ілюстрацыі Валерыі Вілкінай.
Таксама ў межах серыі выйшла гісторыя пра прыгоды Вожыка і ягоных сяброў ад Андрэя Налівы «Адважныя вандроўнікі», якую праілюстравала Марына Рудчык. У гэтым чароўным свеце лясныя жывёлы сябруюць з чалавекам і маюць з ім агульныя забавы і клопаты — займальныя і вясёлыя.
Трэцяй у серыі стала «Падслуханая казка» Андрэя Федарэнкі з ілюстрацыямі Кацярыны Яфрэмавай.
Выданні серыі «Ветрачок» ужо можа набыць у «Акадэмічнай кнізе», у краме ў ГЦ «Купалаўскі» пад Кастрычніцкай плошчай (ралеты 41-42, час працы з пн па пт з 11 да 18.30, сб з 11 да 17, ндз з 11 да 16), а таксама праз сайт Kniger.by.
-
Закаханы ў беларускую мову матэматык і святар, які вывучыў англійскую па дэтэктывах Агаты Крысці. 100 гадоў Аляксандру Надсану
-
У Мінску з гістарычнага дома на Валадарскага знік знакаміты «балкон начальніка турмы»
-
Музей паэткі Яўгеніі Янішчыц перавезлі ў Пінск. Цяпер уся экспазіцыя змяшчаецца на дзвюх паліцах
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары