23-гадовы замежнік у лютым пазнаёміўся ў месенджары з маладым чалавекам, які распавёў, што займаецца вырабам наркатычных сродкаў, і паабяцаў звязаць яго з працадаўцам. Праз некалькі месяцаў мужчыну напісаў незнаёмы і прапанаваў стаць аптовым наркакур'ерам у Беларусі.
У сувязі з фінансавымі цяжкасцямі замежнік пагадзіўся. Ён набыў квіткі на самалёт і прыляцеў у Мінск, дзе зняў кватэру. Паводле інструкцый куратара, мужчына набыў матэрыялы для фасоўкі наркотыку, піша БелТА.
Неўзабаве яму паведамілі, што прыедзе кур’ер і перадасць пасылку. Унутры аказалася гаспадарчая сума з бляшанкамі з кансерваваным персікамі. Адкрыўшы ёмістасці, мужчына выявіў, што там хаваецца парашкападобнае рэчыва белага колеру.
Атрыманы псіхатроп ён фасаваў на дробныя дозы, рабіў закладкі ў лясных зонах Мінска, а пасля фатаграфаваў тайнікі. На працягу некалькіх месяцаў схема паўтаралася.
Супрацоўнікі міліцыі затрымалі мужчыну. Падчас ператрусу яго кватэры канфіскавалі 20 банак з утрыманнем парашкападобнага рэчыва агульнай вагой больш за 10 кілаграмаў. Экспертыза пацвердзіла, што канфіскаванае — асабліва небяспечныя псіхатропы мефедрон і альфа-PVP.
На допыце абвінавачваны распавёў, што грошы на аплату авіяквіткоў, арэнду кватэры і асабістыя патрэбы атрымліваў ад работадаўцы на картку, альбо пры асабістай сустрэчы з пасыльным. Агульная вага фасаванага ім наркотыку склала больш за 33 кілаграмы.
Маладому чалавеку выстаўлена абвінавачанне па ч.3 арт.328 (незаконнае, з мэтай збыту, набыццё, захоўванне псіхатропных рэчываў) Крымінальнага кодэкса.
Каментары