Сяргей Бульба назваў роспуск «Паспалітага рушэння» «глыбінным перафарматам»
Кіраўнік «Паспалітага рушэння» Сяргей Бульба пракаментаваў тэлеканалу «Белсат» паведамленне пра закрыццё арганізацыі.
Бульба назваў рашэнне аб ліквідацьі «агульным рашэннем камандзіраў» і акрэсліў яго як «глыбінны перафармат».
«Досвед паказаў, што выпадковыя для беларускага руху людзі могуць добра гучаць як дапаўненне да касцяка, але касцяк утварыць яны не здольныя. Цяпер і засталіся самыя адданыя справе. То на гэты стрыжань і будзем нарошчваць арганізацыі з нармальнымі, у тым ліку маральнымі, прынцыпамі», — сцвярджае ён.
Да «выпадковых людзей» Бульба адносіць удзельніка «Паспалітага рушэння» 37-гадовага Андрэя Буржынскага, які ўчыніў ДТЗ у Варшаве, уцякаючы ад паліцэйскай пагоні. Прытым за рулём мужчына быў у стане наркатычнага ап'янення, а дома ў яго знашлі 3 кілаграмы розных наркотыкаў.
Панаракаўшы, што «не ўсе здольныя працаваць на Беларусь шчыра і аддана, без матэрыяльнай кампенсацыі за «любоў» да Бацькаўшчыны», Сяргей Бульба запэўніў, што абавязкова створыць новую арганізацыю — з іншай назвай, але з тымі ж мэтамі.
«Паспалітае рушэнне» Сяргея Бульбы згарнула дзейнасць
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі
Фантазія Бульбы: Ціханоўская не рупіцца за вызваленне Бяляцкага, бо з яго будуць вырошчваць новага лідара апазіцыі
«Паспалітае рушэнне» ўзначаліў колішні заснавальнік «Белага легіёну»
Каментары