Сергеенка носіць гадзіннік «Смерць шпіёнам», а Вакульчыку жонка не дазволіла
У кулуарах нарады ў Лукашэнкі цяперашнія і былыя кэдэбісты сабраліся цесным колам і абмяркоўвалі свае гадзіннікавыя гісторыі. Гэта паказалі па тэлебачанні ў анонсе да перадачы «Время Первого».
Цяперашні старшыня Палаты прадстаўнікоў Ігар Сергеенка, які да прызначэння ў 2019 годзе на пасаду кіраўніка адміністрацыі Лукашэнкі быў першым намеснікам старшыні КДБ, прадэманстраваў гадзіннік з надпісам «Смерть шпионам».
Аказалася, што такі ёсць не толькі ў яго, але і ў іншых прысутных, толькі што носяць яго рэдка. Дзяржсакратар Рады бяспекі Аляксандр Вальфовіч чамусьці баіцца да яго нават дакрануцца, таму ён «стаіць» у яго ў кабінеце. Намеснік Вальфовіча, былы кіраўнік упраўлення КДБ па Гродзенскай вобласці Аляксандр Невяроўскі такі гадзіннік «адзін раз надзяваў».
А ў колішняга старшыні КДБ, а цяперашняга кіраўніка Апарата Савета Міністраў Валерыя Вакульчыка гісторыя зусім асобная:
«У мяне жонка пабачыла такі гадзіннік, калі я прынёс… Гаворыць, ты не ўздумай, я цябе адразу папярэджваю: на кожны дзень я табе яго насіць не дам!»
На пытанне, чаму ў жанчыны была на гэты прадмет такая парадаксальная рэакцыя, быў не менш парадаксальны адказ: «Таму што спадабаўся ёй».
І толькі цяперашні старшыня КДБ Іван Церцель стаяў ды ўсміхаўся, але ўласнай гісторыяй узаемадзеяння з чэкісцкім гадзіннікам на камеру не падзяліўся.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі29
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары