Sierhiejenka nosić hadzińnik «Śmierć špijonam», a Vakulčyku žonka nie dazvoliła
U kułuarach narady ŭ Łukašenki ciapierašnija i byłyja kedebisty sabralisia ciesnym kołam i abmiarkoŭvali svaje hadzińnikavyja historyi. Heta pakazali pa telebačańni ŭ anonsie da pieradačy «Vriemia Piervoho».
Ciapierašni staršynia Pałaty pradstaŭnikoŭ Ihar Sierhiejenka, jaki da pryznačeńnia ŭ 2019 hodzie na pasadu kiraŭnika administracyi Łukašenki byŭ pieršym namieśnikam staršyni KDB, prademanstravaŭ hadzińnik z nadpisam «Śmierť špionam».
Akazałasia, što taki jość nie tolki ŭ jaho, ale i ŭ inšych prysutnych, tolki što nosiać jaho redka. Dziaržsakratar Rady biaśpieki Alaksandr Valfovič čamuści baicca da jaho navat dakranucca, tamu jon «staić» u jaho ŭ kabiniecie. Namieśnik Valfoviča, były kiraŭnik upraŭleńnia KDB pa Hrodzienskaj vobłaści Alaksandr Nieviaroŭski taki hadzińnik «adzin raz nadziavaŭ».
A ŭ kolišniaha staršyni KDB, a ciapierašniaha kiraŭnika Aparata Savieta Ministraŭ Valeryja Vakulčyka historyja zusim asobnaja:
«U mianie žonka pabačyła taki hadzińnik, kali ja prynios… Havoryć, ty nie ŭzdumaj, ja ciabie adrazu papiaredžvaju: na kožny dzień ja tabie jaho nasić nie dam!»
Na pytańnie, čamu ŭ žančyny była na hety pradmiet takaja paradaksalnaja reakcyja, byŭ nie mienš paradaksalny adkaz: «Tamu što spadabaŭsia joj».
I tolki ciapierašni staršynia KDB Ivan Cierciel stajaŭ dy ŭśmichaŭsia, ale ŭłasnaj historyjaj uzajemadziejańnia z čekisckim hadzińnikam na kamieru nie padzialiŭsia.
Kamientary