Мінчук на «Лексусе», які таямніча знік і якога шукалі некалькі дзён, сам прыйшоў на запраўку пад Лагойскам
Кажа, што нібыта ачомаўся ў лесе, нічога не памятаў і паехаў на аўтазапраўку.
Знойдзены 46-гадовы жыхар Мінска Кірыл Шаблінскі, які знік вечарам 4 жніўня ў аграгарадку Драчкава Смалявіцкага раёна і пазней быў заўважаны на запісах камер відэаназірання ў гарадскім пасёлку Плешчаніцы Лагойскага раёна, піша Kraj.by.
Шаблінскі знік разам са сваім аўтамабілем «Лексус», на якім ён прыязджаў да маці ў Драчкава. У Плешчаніцах, за 87 кіламетраў ад месца знікнення мінчука. 6 жніўня валанцёры пошукава-выратавальнага атрада «Анёл» шукалі яго ўвесь вечар і ўсю ноч. Пошукі аказаліся безвыніковымі.
Камандзір ПВА «Анёл» Сяргей Коўган у суботу падзяліўся добрай навіной: мінчук, знікненне якога ўжо не ведалі як тлумачыць, сам на сваёй машыне прыехаў на адну з аўтазаправачных станцый пад Лагойскам.
— 8 жніўня каля абеда нам паведамілі, што Кірыл Шаблінскі знойдзены, — распавядае Сяргей Коўган.
— Гісторыя даволі дзіўная, — адзначае камандзір «анёлаў». — Кірыл прыехаў на аўтазапраўку і там папрасіў тэлефон, каб патэлефанаваць сваёй жонцы. Да гэтага часу былі ўстаноўлены сведкі, якія бачылі мінчука недалёка ў лесе.
Актыўнымі пошукамі ў межах аператыўна-вышуковых мерапрыемстваў займаліся супрацоўнікі міліцыі, якія праглядалі запісы з камер відэаназірання. Я думаю, што яны самі б знайшлі Шаблінскага рана ці позна. Калі ён з аўтазапраўкі патэлефанаваў жонцы і папрасіў яе прыехаць, то разам з жонкай на АЗС амаль адначасова прыехалі і міліцыянеры.
Паводле слоў Сяргея Коўгана, Кірыл Шаблінскі нешматслоўны ў тлумачэннях, дзе ён увесь гэты час знаходзіўся.Кажа, што нібыта ачомаўся ў лесе, нічога не памятаў і паехаў на аўтазапраўку.
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары