Толькі што заехалі тыя, хто стаў у чаргу 8 жніўня. Колькі цяпер трэба чакаць на мяжы, каб трапіць у Польшчу на аўто?
Чарга на мяжы з Польшчай рэкордная — больш за 3200 машын.
Антырэкорд у пункце пропуску «Брэст» быў зафіксаваны вечарам 13 жніўня. Выезду з Беларусі ў Польшчу ўпершыню чакае больш за 3000 машын, і чарга толькі расце.
Па стане на 18 гадзін 14 жніўня ў адзіным дзейным пункце пропуску для пасажырскага руху на мяжы з Польшчай у электроннай чарзе на выезд стаіць 3260 легкавікоў.
Днём 14 жніўня з зоны чакання выязджаюць машыны, якія занялі чаргу вечарам 8 жніўня, то бок амаль праз шэсць сутак. І гэта пры тым, што тады ў чарзе было каля 2600 машын. Атрымліваецца, што ў сярэднім за суткі чарга прасоўвалася прыкладна на 450 машын.
У прыгранічных чатах пішуць, што цягам апошніх двух сутак хуткасць афармлення знізілася, і за суткі з зоны чакання выязджае ўсяго каля 320 легкавікоў.
Атрымліваецца, што тыя, хто цяпер займае месца ў электроннай чарзе, змогуць трапіць у Польшчу толькі праз 7—8 сутак.
Выраслі чэргі і на літоўскім кірунку. У «Каменным Лозе» па стане на 18 гадзін выезду чакае 180 легкавікоў, а ў «Беняконях» — 130.
Невялікая чарга з’явілася і на латвійскім кірунку, што бывае вельмі рэдка, паколькі ў Латвію нельга ездзіць на аўто з беларускімі нумарамі.
Выезду з Беларусі ў пункце пропуску «Грыгароўшчына» чакаюць больш за 30 аўто.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары