Спецслужбы стварылі фэйкавы бот нібыта для эвакуацыі тых, хто дасылаў інфармацыю «Беларускаму Гаюну»
Праваабаронцы Dissidentby папярэдзілі пра стварэнне спецслужбамі фэйкавага чат-бота іх арганізацыі і просяць не дасылаць туды ніякай інфармацыі.
«Бот створаны для аператыўнай эвакуацыі грамадзян Рэспублікі Беларусь, якія адпраўлялі інфармацыю ў «Беларускі Гаюн | Belarusian Hajun project» і баяцца за сваю бяспеку», — гаворыцца ў апісанні да фэйкавага бота @dissidentby_evacuation_bot.
«Гэты бот з'яўляецца фэйкавым, яго стварылі беларускія спецслужбы — ні ў якім разе не дасылайце туды інфармацыю», даводзяць праваабаронцы.
Па іх словах, у Dissidentby няма бота для сувязі. З праваабаронцамі арганізацыі звязваюцца праз сайт dissidentby.com (stayrebel.fun — даступны без VPN) або праз кантакты ў апісанні канала @dissidentBY.
Акрамя гэтага, яны вядуць сацыяльныя сеткі на беларускай мове.
Калі ласка, правярайце любыя акаўнты і кантакты для сувязі, папярэджвае Dissidentby.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы3
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары
- Напісана мовай міліцэйскіх пратаколаў. Таварыш маёр ужо проста не можа інакш фармуляваць свае думкі.
Другія моманты:
- Калі "stayrebel.fun - даступны без VPN", трэба папярэджваць, каб людзі не заходзілі на яго з Беларусі без VPN. Па DNS запытах і часткова па заходах на сам сайт (ECH не цалкам наладжаны) карнікі могуць выявіць карыстальнікаў з РБ.
- У гэтым артыкуле забылі дадаць першакрыніцу. Першакрыніцы вельмі крытычныя ў матэрыялах пра бяспеку, фэйкавыя і сапраўдныя сайты, сацсеткі, боты.