Звыш 2,6 тыс. школ 1 верасня адчынілі дзверы для больш як мільёна школьнікаў у Беларусі, паведамляе Міністэрства адукацыі.
LookByMedia
Да заняткаў сёння прыступаюць каля 1 млн 50 тыс. вучняў, у тым ліку каля 90 тыс. першакласнікаў.
Ва ўсіх установах адукацыі 1 верасня пройдуць урачыстыя мерапрыемствы, прысвечаныя Дню ведаў.
Тэма першага ўрока — «Эстафета пакаленняў: захоўваючы мінулае, ствараем будучыню».
У 2025 годзе адкрываюцца сем школ на 5238 месцаў.
У прыватнасці, у Гродзенскай вобласці пачне працаваць сярэдняя школа ў Астраўцы.
Мінская вобласць адкрывае тры школы-новабудоўлі: у Фаніпалі, Слуцку і вёсцы Ляскоўка Бараўлянскага сельсавета.
Таксама вялікая школа-новабудоўля прыме дзяцей у сталіцы ў мікрараёне «Мінск-Свет».
Каментары