Жыхарка Бабруйска засталася без усіх сваіх зберажэнняў, якія захоўвала ў сябе дома. Сітуацыя, у якой дапамаглі разабрацца, у тым ліку, судовыя эксперты, для самой пацярпелай мела прысмак расчаравання, паведамляе Дзяржкамітэт судовых экспертыз.
Паводле слоў 46-гадовай жанчыны, якая звярнулася ў міліцыю, яна збірала як беларускія грошы, так і валюту (еўра, даляры, расійскія рублі).
Грошы трымала захоўвала ў кашальку ў шафе, аднак у нейкі момант убачыла, што там засталася толькі дробязь. Агулам прапала больш за 7 тысяч рублёў у эквіваленце.
У ходзе агляду кватэры на дзверцы шафы, адкуль былі выкрадзены грошы, эксперт-крыміналіст выняў сляды рук — пры праверцы па дактаўлiку Дзяржаўнага камітэта судовых экспертыз устаноўлена іх супадзенне з адбіткамі сужыцеля пацярпелай.
Мужчыну затрымалі, ён прызнаўся ў крадзяжы і патлумачыў, што частку сумы паспеў патраціць на паездку ў Мінск.
Чарговы прысуд у дачыненні да 37-гадовага бабруйчаніна нядаўна агучыў суд. Яму далі два гады калоніі ва ўмовах строгага рэжыму, а таксама прыменены прымусовыя меры бяспекі і лячэння ад хранічнага алкагалізму. У адпаведнасці з Законам аб амністыі мужчына часткова вызвалены ад пакарання на 1 год.
Каментары