Як паведаміў старшы дарадца Святланы Ціханоўскай Франак Вячорка, у амерыканскую амбасаду неўзабаве прыедуць вызваленыя з беларускіх турмаў замежныя грамадзяне, а таксама толькі некаторыя беларусы. Працэс жа перасячэння мяжы зацягваецца з-за неабходнасці выканаць бюракратычныя фармальнасці.
Некаторыя беларускія палітвязні ўсё яшчэ знаходзяцца на мяжы, дзе ім афармляюць дакументы. Найхутчэй яны дабяруцца да Вільні толькі позна ўвечары, пасля чаго іх размяркуюць па шэлтарах, а на кантакт з грамадскасцю яны будуць выходзіць ужо толькі заўтра на прэс-канферэнцыі, калі будуць мець такую ахвоту.
Што да стану вызваленых, то ён адносна добры, хоць некаторыя маюць патрэбу ў медыцынскай і псіхалагічнай дапамозе.
Вячорка адзначыў вялікую дапамогу, якую аказваюць амерыканскі і літоўскі бакі, і выказаў ім вялікую ўдзячнасць.
«Таму што Літва робіць практычна гэтыя тэрміновыя дакументы, і ім проста належыць вялізная ўдзячнасць і павага», — падкрэсліў ён.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»26
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары