Літоўская армія: Рызыка нападу падчас вучэнняў «Захад» нізкая, але верагоднасць правакацый узрасла
«Мы не фіксуем канцэнтрацыі расійскіх сухапутных войскаў паблізу меж нашай краіны, што было б сур’ёзным трывожным сігналам».
З пачаткам вучэнняў «Захад» у пятніцу верагоднасць парушэнняў мяжы і іншых правакацый узрасла, аднак рызыка нападу — нізкая, заяўляе Літоўская армія.
«Мы не фіксуем канцэнтрацыі расійскіх сухапутных войскаў паблізу меж нашай краіны, што было б сур’ёзным трывожным сігналам, бачым, што расійскія войскі прыкаваны да Украіны, а гэта азначае, што верагоднасць прамога нападу на NATO праз Літву ці іншыя краіны Балтыі застаецца нізкай», — паведаміла армія ў Facebook.
Аднак, па яе словах, узрасла верагоднасць парушэнняў мяжы, залётаў беспілотнікаў, перашкод сігналу і іншых правакацый.
«Мы ўсё гэта ўбачылі больш відавочна, гэта звязана як з вучэннямі, так і з працягваючайся расійскай агрэсіяй супраць Украіны. Гэта новая рэальнасць, на якую мы рэагуем павышанай пільнасцю, баевай гатоўнасцю і пастаяннымі вучэннямі», — падкрэсліваюць Узброеныя сілы Літвы.
Сумесныя расійска-беларускія вучэнні «Захад-2025» пачаліся сёння і працягнуцца да 16 верасня.
Начальнік Генштаба, першы намеснік міністра абароны Павел Муравейка пракаментаваў прэс-службе Мінабароны пачатак вучэнняў: «Гэта планаванае мерапрыемства, якое мы праводзім у мэтах удасканалення навыкаў камандзіраў і камандзіраў па кіраванню групоўкамі войскаў пры выкананні задач па абароне суверэнітэту і тэрытарыяльнай цэласнасці краіны».
Вучэнні спланавана правесці ў два этапы. Першы этап прадугледжвае адбіццё ўдараў сродкаў паветранага нападу праціўніка, вядзенне і падрыхтоўку абаронных баявых дзеянняў, а таксама стварэнне ўмоў для абароны суверэнітэту і тэрытарыяльнай цэласнасці.
Змест другога этапу будзе ўключаць у сябе комплекс мерапрыемстваў па разгроме груповак праціўніка і ачышчэнні ад яго сваёй тэрыторыі.
«Гэта важны аспект забеспячэння бяспекі і абароны краіны. Вучэнні плануецца правесці на трох палiгонах і ўчастках мясцовасці ў Віцебскай, Мінскай і Гродзенскай абласцях», — дадаў Павел Муравейка.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары