У Мінску да канца года значна павялічыцца колькасць платных парковачных месцаў — як у цэнтры горада, так і ў аддаленых раёнах. 15 верасня на аператыўным пасяджэнні Мінгарвыканкама пра гэта паведаміў дырэктар ДУ «Паркоўкі сталіцы» Міхаіл Філіпаў, пішуць «Мінск-Навіны».
На сённяшні дзень у Мінску налічваецца 6 053 платныя месцы для аўтамабіляў. Да канца года іх колькасць плануецца павялічыць да 10 тысяч, а ў перспектыве — да 20 тысяч.
Для гэтага распрацоўваецца праектна-каштарысная дакументацыя, у тым ліку для пераводу ў платны рэжым некалькіх адкрытых парковак. Сярод іх — каля дома № 40 на вуліцы Мяснікова (113 машынамесцаў) і на Немізе (90 месцаў).
Таксама платная паркоўка з’явіцца ў раёне вуліцы Даўгабродскай, дзе будзе ўстаноўлена абсталяванне для ўліку часу і разліку аплаты.
Акрамя таго, праведзеныя тэставыя выпрабаванні мабільнага комплексу, які кантралюе своечасовую аплату за паркоўку. Спецыяльна абсталяваныя аўтамабілі будуць праязджаць па платных месцах і фіксаваць, аплачаная паркоўка ці не. Тэхніку будуць падтрымліваць супрацоўнікі, якія працуюць з кліентамі.
У Полацку на месцы, дзе будавалі радзільны дом, будзе аўтасалон
У гіганцкі бізнэс-цэнтр на Кастрычніцкай плошчы ў Мінску засяліліся пакуль 13 арганізацый
У Вілейцы знеслі 85-гадовы даўгабуд
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
Як будуць выглядаць катэджы і таўнхаусы ў новым модным жылым квартале Мінска
Да «Дня народнага адзінства» памілавалі 25 чалавек4
Каментары