З 12 верасня польскі ўчастак мяжы закрыты, у выніку перавозчыкі стараюцца мінімізаваць нязручнасці для пасажыраў і шукаюць новыя напрамкі. Пра два новыя рэйсы ў Варшаву расказалі Office Life прадстаўнікі сэрвісу «Атлас Бас».
Так, у раскладзе з’явіліся два новыя прамыя рэйсы з Мінска і Гродна ў Варшаву, якія ідуць праз Латвію. Праўда, шлях у гэтым выпадку будзе няблізкі. Паводле раскладу, паездка з Мінска ў Варшаву зойме мінімум 11 гадзін.
Аўтобус выязджае з Мінска ў 15:20. У зваротным напрамку выезд з Варшавы ў 22:10.
Білет каштуе даражэй, чым на звыклыя рэйсы, што ідуць праз Брэст, — ад 350 рублёў. На бліжэйшыя рэйсы месцаў ужо няма.
Акрамя таго, з 22 верасня стартуе прамы рэйс Гродна — Беласток — Варшава таксама праз Латвію. Выезд з Гродна — у 00:20. У зваротны шлях аўтобус адпраўляецца ў 8:00. Білет каштуе 380 рублёў.
У кампаніі дадалі, што, магчыма, колькасць прамых рэйсаў у Польшчу праз Латвію павялічыцца.
Пры гэтым нагадалі, што пры паездцы праз гэтую краіну пасажырам неабходна выконваць шэраг умоваў. Не пазней чым за 48 гадзін да паездкі замежнік абавязаны запоўніць анкету на сайце eta.gov.lv і дачакацца электроннага ліста з пацвярджэннем або адмовай ва ўездзе.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары