Прэзідэнт Расіі Уладзімір Пуцін выдаў указ, згодна з якім былой памочніцы Джо Байдэна, Тары Рыд, дадзена расійскае грамадзянства. У дакуменце яна пазначаная як Мак Кейб Аляксандра Тара, народжаная 26 лютага 1964 года ў ЗША. Гэтае імя Рыд узяла яшчэ ў канцы 1990‑х пасля разводу з мужам, піша The Moscow Times.
Рыд працавала ў офісе Джо Байдэна, калі ён быў сенатарам ад штата Дэлавер. Яна стала шырока вядомай у 2020 годзе, калі падчас прэзідэнцкай кампаніі выставіла супраць Байдэна абвінавачанне ў сэксуальным гвалце.
Паводле яе сцвярджэння, у 1993 годзе, калі ёй было 29 гадоў, Байдэн у калідоры Сената паклаў руку ёй пад спадніцу і зрабіў дзеянні сексуальнага характару. Сам Байдэн, які на той момант быў кандыдатам у прэзідэнты ад Дэмакратычнай партыі, катэгарычна адкінуў гэтыя абвінавачанні, назваўшы іх хлуснёй.
У маі 2023 года Рыд прыехала ў Маскву і падчас прэс-канферэнцыі, арганізаванай групай «Россия сегодня», звярнулася да Пуціна з просьбай даць ёй грамадзянства. Яна сцвярджала, што ў ЗША ёй пагражалі забойствам.
У 2024 годзе яна ненадоўга вярнулася ў ЗША, каб падаць афіцыйныя абвінавачанні супраць Байдэна. Паводле паведамленняў СМІ, адвакат Рыд заявіў, што яе кліентка плануе звярнуцца ў суд з крымінальнымі абвінавачаннямі ў сэксуальным гвалце трэцяй ступені.
Цяпер Рыд жыве ў Расіі і ўжо атрымала расійскі пашпарт.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары
што-што а дыверсіі маскалі ўмеюць рабіць віртуозна