Prezident Rasii Uładzimir Pucin vydaŭ ukaz, zhodna ź jakim byłoj pamočnicy Džo Bajdena, Tary Ryd, dadziena rasijskaje hramadzianstva. U dakumiencie jana paznačanaja jak Mak Kiejb Alaksandra Tara, narodžanaja 26 lutaha 1964 hoda ŭ ZŠA. Hetaje imia Ryd uziała jašče ŭ kancy 1990‑ch paśla razvodu z mužam, piša The Moscow Times.
Ryd pracavała ŭ ofisie Džo Bajdena, kali jon byŭ sienataram ad štata Dełavier. Jana stała šyroka viadomaj u 2020 hodzie, kali padčas prezidenckaj kampanii vystaviła suprać Bajdena abvinavačańnie ŭ seksualnym hvałcie.
Pavodle jaje śćviardžeńnia, u 1993 hodzie, kali joj było 29 hadoŭ, Bajden u kalidory Sienata pakłaŭ ruku joj pad spadnicu i zrabiŭ dziejańni sieksualnaha charaktaru. Sam Bajden, jaki na toj momant byŭ kandydatam u prezidenty ad Demakratyčnaj partyi, kateharyčna adkinuŭ hetyja abvinavačańni, nazvaŭšy ich chłuśnioj.
U mai 2023 hoda Ryd pryjechała ŭ Maskvu i padčas pres-kanfierencyi, arhanizavanaj hrupaj «Rośsija siehodnia», źviarnułasia da Pucina z prośbaj dać joj hramadzianstva. Jana śćviardžała, što ŭ ZŠA joj pahražali zabojstvam.
U 2024 hodzie jana nienadoŭha viarnułasia ŭ ZŠA, kab padać aficyjnyja abvinavačańni suprać Bajdena. Pavodle paviedamleńniaŭ ŚMI, advakat Ryd zajaviŭ, što jaje klijentka płanuje źviarnucca ŭ sud z kryminalnymi abvinavačańniami ŭ seksualnym hvałcie treciaj stupieni.
Ciapier Ryd žyvie ŭ Rasii i ŭžo atrymała rasijski pašpart.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy7
Kamientary
što-što a dyviersii maskali ŭmiejuć rabić virtuozna