У Беларусі заблакавалі папулярную інтэрнэт-бібліятэку «Флібуста»
Калі заходзіць на сайт з тэрыторыі Беларусі, то карыстальнік убачыць інфармацыю, што сайт заблакаваны на падставе рашэння Міністэрства інфармацыі.
Люстэркі сайта адкрываюцца ў Беларусі без праблем.
«Флібуста» — бясплатная некамерцыйная анлайн-бібліятэка. Увосень мінулага года заснавальнік бібліятэкі з нікнэймам Stiver паведаміў, што знаходзіцца ў бальніцы з гліабластомай (пухлінай мозгу). Ён дадаў, што сэрверы «Флібусты» аплачаныя яшчэ на некалькі тыдняў. Пасля пад постам з'явілася абнаўленне, у якім гаворыцца, што бібліятэка працягвае сваю працу.
«Сэрверы аплачаныя, сайт падтрымліваецца, працуем у стабільным рэжыме», — гаварылася ў паведамленні.
Потым ад імені Stiver быў апублікаваны адкладзены пост, што ён скончыў жыццё самагубствам праз эўтаназію.
Пасля гэтага на галоўнай старонцы сайта слоган «А я не легенда (Лоран Бэкал)» быў зменены на «Я — легенда»
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары