Лукашэнка загадаў, каб гарадская медыцына была даступная жыхарам рэгіёнаў
Аляксандр Лукашэнка даручыў распрацаваць сістэму, каб сталічная медыцына была даступная і для жыхароў рэгіёнаў. Пра гэта ён заявіў на адкрыцці ў Мінску новай 42‑й гарадской паліклінікі, паведамляе БелТА.
«Тут будуць служыць самыя прасунутыя, самыя лепшыя медыкі. Не таму, што дзе-небудзь у Мсціславе, Хоцімску, Лідзе, Стоўбцах і іншых гарадах нашы медработнікі горш. А таму, што мінскія медыкі могуць раней за іншых дакрануцца да самых сучасных тэхналогій і авалодаць імі, — сказаў ён — Уладзімір Яўгенавіч (старшыня Мінгарвыканкама Кухараў), хто-хто, а ты ведаеш, колькі мы сродкаў укладваем у Мінск. Мы тут ствараем вельмі сур’ёзную базу».
Аляксандр Лукашэнка звярнуў увагу, што якаснае сучаснае медыцынскае абслугоўванне павінна быць даступнае не толькі мінчанам, але і жыхарам самых аддаленых рэгіёнаў. Ён даручыў кіраўніцтву горада, ураду і старшыні Савета Рэспублікі Наталлі Качанавай як упаўнаважанаму прадстаўніку ў Мінску распрацаваць адпаведныя падыходы.
«Трэба зрабіць так, каб тыя, хто жыве далей ад Мінска, таксама маглі атрымаць тут дапамогу. Вядома, гэта мы робім для Мінска. Там мы робім для іншых раёнаў, рэгіёнаў. Але тут больш прасунутыя тэхналогіі. Нельга зрабіць так, каб на ўскраінах нашай краіны, далей ад Мінска, людзі адхілялі мінчан. Развіваючы Мінск, я раблю ўсё, каб не было гэтага кантрасту. Каб не было супрацьпастаўленняў у нашай краіне. Краіна павінна быць адзінай, маналітнай. І ад нашых крокаў па забеспячэнні здароўя нашых людзей будзе залежаць вельмі шмат. Трэба над гэтым падумаць», — падкрэсліў ён.
-
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
-
У Мінску адклалі пашырэнне трэцяй лініі метро да Зялёнага Луга, прыярытэтам зрабілі 4‑ю лінію
-
Якая сітуацыя ў краіне з месцамі ў дзіцячых садках і хто можа хадзіць у кругласутачныя групы
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары