Асудзілі за хабар былога намесніка старшыні Гродзенскага райвыканкама
Былы намеснік старшыні Гродзенскага райвыканкама атрымаў 7,5 гадоў пазбаўлення волі ў калоніі ўзмоцненага рэжыму за сістэматычнае атрыманне хабару, паведаміла тэлерадыёкампанія «Гродна».
Паводле матэрыялаў справы, хабар чыноўнік атрымліваў не адзін раз, а на працягу доўгага перыяду — прыкладна са снежня 2023 года па ліпень 2025 года. Грошы і будаўнічыя матэрыялы перадавалі яму прадстаўнікі камерцыйных структур. Узамен ён аказваў ім садзейнічанне ў вырашэнні пытанняў, якія ўваходзілі ў яго службовыя паўнамоцтвы.
Гаворка ішла пра тое, каб гэтыя кампаніі маглі ўдзельнічаць у працэдурах дзяржаўных закупак і атрымліваць перамогу ў іх. Таксама намеснік старшыні райвыканкама спрыяў заключэнню і выкананню кантрактаў на будаўнічыя, рамонтныя і мантажныя работы, дапамагаў з выбарам падрадчыкаў і субпадрадчыкаў. Акрамя гэтага, пры яго садзейнічанні своечасова пералічваліся грошы, у тым ліку авансы, і аплачваліся ўжо выкананыя работы раней тэрміну.
Следства і суд палічылі, што такія дзеянні насілі сістэматычны характар і былі накіраваныя на незаконнае ўзбагачэнне.
Суд Ленінскага раёна Гродна прызнаў яго вінаватым і вынес прысуд: 7,5 гадоў пазбаўлення волі ў калоніі ўзмоцненага рэжыму. Дадаткова прызначаны штраф сумай 450 базавых адзінак (каля 20 тысяч рублёў), а таксама забарона на 5 гадоў займаць пасады, звязаныя з уладай і кіраваннем, у тым ліку тыя, што прадугледжваюць адміністрацыйныя і арганізацыйныя функцыі або маюць юрыдычнае значэнне.
На карупцыі злавілі дырэктара Інстытута машынабудавання Акадэміі навук разам з намеснікам і бухгалтарам
За хабар затрымалі намесніка дырэктара хімзавода ў Гродне
Былога сенатара і дырэктара найбуйнейшага ў Беларусі вытворцы будматэрыялаў судзяць за разгалошванне службовай тайны
Былога намесніка дырэктара Гродзенскага тэатра асудзілі на чатыры гады
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй1
Каментары