Грамадства1010

«За гэтыя грошы можна купіць машыну». Вяселле за $20 тысяч выклікала буру абмеркаванняў і асуджэнняў

Дзяўчына з Гродна расказала, колькі каштавала яе вяселле ў 2025 годзе. Лічба аказалася настолькі вялікай, што навіна імгненна падзяліла каментатараў на тых, хто захапляўся такім размахам, і тых, хто абураўся такімі выдаткамі, заўважыла выданне «Першы».

Скрыншот з відэа

У роліку ў тыктоку дзяўчына падрабязна распісала ўсе расходы — атрымалася амаль 20 тысяч даляраў.

@addshka #беларусь #гродно #свадьбамечты #рекомендации ♬ оригинальный звук - Адриана

Вось асноўныя выдаткі: пляцоўка абышлася ў 1400 даляраў, дэкор — у 2302 даляры, а святло, экран, піратэхніка і «цяжкі дым» — у 1407 даляраў. Найбольшы кавалак бюджэту пайшоў на банкет для 60 гасцей — 3335 даляраў.

Алкаголь і напоі на два дні свята каштавалі 1300 даляраў, на кэндзі-бар пайшло 150 даляраў, каравай абышоўся ўсяго ў 6 даляраў, а харчаванне падрадчыкаў — у 125 даляраў.

Асобна дзяўчына падлічыла ганарары спецыялістаў: арганізатар і каардынатар — 700 даляраў, вядучы і дыджэй разам з абсталяваннем — 1180 даляраў, даплата за вядзенне цырымоніі — 50 даляраў, інтэрв’ю з гасцямі — 200 даляраў, відэограф — 800 даляраў, фатограф — 700 даляраў.

На афіцыйныя фармальнасці пайшло няшмат: ЗАГС — 28 даляраў, пярсцёнкі — 950 даляраў, вянчанне і ахвяраванне касцёлу — 115 даляраў. Гатэль для жаніха і нявесты — 160 даляраў. Вясельны торт каштаваў 250 даляраў, танец — 130 даляраў, вобраз жаніха — 501 даляр, вобраз нявесты — 2235 даляраў. На другі дзень арандавалі сядзібу з лазняй і спальнымі месцамі за 500 даляраў.

У каментарах падпісчыкі не стрымліваліся. Адныя пісалі:

«Прыгожа жыць не забароніш» ці «Выглядае як мара».

Іншыя лічылі, што грошы можна было пусціць на больш практычныя рэчы:

«Можна купіць машыну», «Лепш бы ў жыллё ўклалі», «Лепш бы падарожжа».

Былі і тыя, хто жартуе: «І ўсё гэта дзеля сваякоў, якія падарылі па сто рублёў у канверце». Дзяўчыну пыталіся, ці акупілася вяселле і кім працуе жаніх, калі здолелі назбіраць такую суму. Але сакрэт яна не раскрыла, адзначыўшы толькі, што муж працуе ў будаўніцтве.

Знаходзіліся і тыя, хто падтрымліваў выбар пары:

«Хто б што ні пісаў, але большасць дзяўчат мараць пра такое вяселле (проста не ўсім хапае фінансаў)».

Іншыя дадавалі:

«Мяне вельмі смешыць, як людзі ў каментах лічаць чужыя грошы замест таго, каб проста парадавацца за маладых».

У выніку вяселле стала не толькі сямейным святам, але і тэмай для гарачых інтэрнэт-дыскусій. Адныя ўбачылі ў гэтым бессэнсоўныя выдаткі, іншыя — здзяйсненне мары. 

Каментары10

  • Filipp
    25.09.2025
    Калі раз і на ўсё жыццё, то норм, але ж статыстыка ......
  • хамса
    25.09.2025
    калі сябры мужа (далёка нябедныя) даведаліся, за колькі я арэндавала сваю "вясельную" сукенку, яны проста моўчкі паціснулі мужу руку

    п.с. за 30 $. і мне давялося яе самой падшываць
  • Хрыч
    26.09.2025
    Это называется "Пир во время чумы" Одни ылитные хаты скупают пачками,другие свадьбы закатывают до небес.Прямо мастера по переобуванию в воздухе и переворачиванию страниц.

Цяпер чытаюць

Чаму мы прайгралі ў 2020 годзе? Развагі Міколы Дзядка21

Меркаванніабмяркоўвайце!21

Чаму мы прайгралі ў 2020 годзе? Развагі Міколы Дзядка

Усе навіны →
Усе навіны

Упершыню ў гісторыі жанчына стала прэм'ерам Японіі5

Настаўніца ў Паўднёвай Карэі забіла васьмігадовую вучаніцу. Гэта трагедыя шакавала ўсю краіну5

Клуб з вёскі на 1500 чалавек упершыню стаў чэмпіёнам Швецыі па футболе2

«Работнікаў з Афрыкі адпраўляюць на кухню». Чым займаюцца працоўныя мігранты ў Беларусі і адкуль едуць?18

Трамп зноў заявіў, што Украіна можа выйграць у вайне. Але не думае, што выйграе12

ДАІ прапануе замяніць невялікія маршруткі аўтобусамі большай умяшчальнасці9

«Асноўны інструмент — генетычная экспертыза». У Следчым камітэце расказалі, як раскрываюць забойствы даўно мінулых гадоў3

У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць32

У Віцебску ладзяць экскурсіі ў прапагандысцкі цэнтр расійскага мілітарызму ФОТАФАКТ5

больш чытаных навін
больш лайканых навін

Чаму мы прайгралі ў 2020 годзе? Развагі Міколы Дзядка21

Меркаванніабмяркоўвайце!21

Чаму мы прайгралі ў 2020 годзе? Развагі Міколы Дзядка

Галоўнае
Усе навіны →

Заўвага:

 

 

 

 

Закрыць Паведаміць