У МЗС расказалі, з якімі краінамі вядуць перамовы пра бязвізавы рэжым
Міністэрства замежных спраў працягвае працу над пашырэннем спісу краін, куды грамадзяне Беларусі змогуць ездзіць без візы. Пра гэта паведаміў першы намеснік міністра замежных спраў Беларусі Сяргей Лукашэвіч падчас прэс-канферэнцыі ў Нацыянальным аэрапорце Мінск, прысвечанай адкрыццю першага рэйсу авіякампаніі «Белавія» ў В’етнам.
З 30 студзеня 2025 года паміж Беларуссю і В'етнамам дзейнічае ўзаемны бязвізавы рэжым: грамадзяне могуць знаходзіцца ў краіне без візы да 30 дзён за адну паездку і да 90 дзён на працягу года. Гэта і дало стымул да таго, каб запусціць прамыя рэйсы з Мінска на в'етнамскі востраў Фукуок.
Што датычыцца далейшых планаў, то Лукашэвіч паведаміў, што МЗС працуе над усталяваннем бязвізавага рэжыму і з іншымі краінамі Паўднёва-Усходняй Азіі. У ліпені падчас візіту міністра замежных спраў Максіма Рыжанкова ў Лаос было падпісана міжурадавае пагадненне аб узаемнай адмене віз для грамадзян, і цяпер чакаецца, калі яно ўступіць у сілу.
Акрамя таго, беларускі бок вядзе перамовы з М’янмай, Тайландам, Філіпінамі і шэрагам іншых дзяржаў, каб спрасціць умовы паездак для грамадзян Беларусі.
Таксама Сяргей Лукашэвіч адзначыў, што адкрыццё новых авіямаршрутаў стала магчымым дзякуючы таму, што «Белавія» набыла сучасныя самалёты Airbus A330-200. Чартарныя рэйсы ў В’етнам будуць выконвацца прыкладна раз на 11 дзён.
Цяпер чытаюць
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»31
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары