Сведка наступстваў жудаснага ДТЗ пад Светлагорскам: Кіроўца маршруткі занадта позна пабачыў той трактар
З рэдакцыяй Onliner.by звязаўся чытач, які расказаў, што пад’ехаў да месца ДТЗ праз пару хвілін пасля здарэння.
— На абочыне ў напрамку Азарычаў стаяў трактар з прычэпам тыпу МУВУ (машына для ўнясення вадкіх угнаенняў). Абодва левыя колы прычэпа былі згорнутыя. Габарыты і аварыйка першых машын—«сведкаў» былі выразна бачныя на адлегласці. А вось на трактары не было ніводнага агеньчыка — ні спераду, ні ззаду.
— Супастаўляючы абстаноўку і аповеды дзяцей, магу выказаць здагадку, што трактар без агнёў стаяў на абочыне. Цемра, дробны дождж, крывое пакрыццё дарогі пагоршылі сітуацыю — кіроўца маршруткі занадта позна ўбачыў гэты трактар. З-за «гарбатай» дарогі не здолеў выправіць сітуацыю… А тут яшчэ і сустрэчная машына «прыляцела», — агучвае сваю версію сведка.
Трагедыя здарылася ўчора каля 19:00 у Светлагорскім раёне на 72‑м кіламетры аўтадарогі Р31. Кіроўца маршруткі аб'язджаў трактар з паўпрычэпам, пасля чаго не справіўся з кіраваннем і выехаў на паласу сустрэчнага руху, дзе ўрэзаўся ў «Фальксваген». Шэсць чалавек загінулі на месцы здарэння, восем чалавек, у тым ліку двое кіроўцаў, шпіталізаваныя.
ДАІ просіць, калі калі хто-небудзь стаў сведкам ДТЗ або валодае нейкімі звесткамі, міліцыя просіць паведаміць пра гэта ў аператыўна-дзяжурную службу ДАІ УУС Гомельскага аблвыканкама па тэлефоне 8 (0232) 50— 44‑44 або па тэлефоне 102.
Шэсць чалавек загінулі ў Светлагорскім раёне пры аварыі маршруткі
Пасля жудаснай аварыі ў Светлагорскім раёне шпіталізавалі восем чалавек
У ДТЗ у Светлагорскім раёне, у якім загінулі шэсць чалавек, кіроўца маршруткі спачатку сутыкнуўся з трактарам
ДАІ шукае сведкаў ДТЗ з маршруткай, у якім загінулі шэсць чалавек
Каментары
Дарогі даўно ў нас за буйнымі гарадамі "уставшие". Грошай рамантаваць няма. Таму што ўсе грошы ідуць на гэту жорсткую антычалавечую ўладу. На сяле людзі бедныя і нават эканомяць на святле трактароў