Беларускі трэнер, які 11 разоў быў прызнаны найлепшым у краіне па выніках года, расказаў, ці гатовы ён узначаліць нацыянальную футбольную зборную.
«У душу кожнаму залезці не магу, але любы трэнер марыць, што на нейкім этапе кар’еры атрымаецца папрацаваць з нацыянальнай зборнай. Іншая справа, што, знаходзячыся ў такім залатым узросце, трэніраваць на працягу шасці міжнародных вокнаў — складана. Я люблю штодзённую працу. Мне яна дастаўляе задавальненне. На дадзены момант слаба ўяўляю спецыфіку працы трэнерам зборнай. Гэта ўжо недзе бліжэй да канца трэнерскай кар’еры», — сказаў ён.
Са жніўня 2023 года зборную Беларусі па футболе трэніруе іспанскі спецыяліст Карлас Алос. Пры ім каманда атрымала шэсць перамог, згуляла восем нічыіх і пацярпела 10 паразаў.
У адборы да чэмпіянату свету 2026 у зборнай Беларусі чатыры паразы: ад Грэцыі (1:5), Даніі (0:6) і Шатландыі (0:2, 1:2) і не мае нават тэарэтычных шанцаў на другое месца, якое ставілася за мэту федэрацыяй футболу, хоць гэта адразу было нерэальна.
Апошнія тыдні ў футбольным асяроддзі вядзецца дыскусія, хто б мог узначаліць зборную.
Самым паспяховым этапам Віктара Ганчарэнкі быў барысаўскі БАТЭ, які пры ім шэсць разоў станавіўся чэмпіёнам краіны, упершыню вывеў клуб у групавы турнір Лігі чэмпіёнаў і гуляў там не раз.
Потым працаваў у Расіі з «Кубанню», ЦСКА, «Краснадарам», «Уфой», «Уралам», «Пары НН». З ЦСКА станавіўся сярэбраным прызёрам чэмпіянату суседняй краіны, але апошнія гады трэнерская кар'ера не задалася.
Спачатку ён не здолеў захаваць «Урал» у прэм'ер-лізе, а потым яго пазвалі ў «Пары НН», каб ён пакінуў клуб у вышэйшым дывізіёне, клуб фінішаваў 13-м, прайграў у стыкавых матчах «Сочы», і беларуса звольнілі. Але «Пары НН» застаўся ў прэмхер-лізе, бо «Хімкі», што фінішавалі ў мінулым сезоне 12-я, не атрымалі ліцэнзію.
-
Віцебскі футбаліст, які абразіў падчас матча камерунца, ездзіў у Смаргонь прасіць у яго прабачэння
-
Беларускі футбаліст назваў суперніка «чорным шымпанзэ». Яму пагражае дыскваліфікацыя і штраф
-
Беларускаму футбольнаму трэнеру, які прайграў 8 з 9 апошніх матчаў, плацяць у Расіі па 60 тысяч еўра на месяц
Цяпер чытаюць
Хто тыя 17‑гадовы блогер і яго 37‑гадовая нявеста, якія шыкоўна жылі на грошы са збору на хворае дзіця?33
Каментары