«Арэшнік» нам патрэбны, а «Пасейдон» і «Буравеснік» — не. Лукашэнка — пра задачы для ВПК
«Асноўныя ўзбраенні трэба мець свае».
Беларусь павінна распрацоўваць і мець свае ўзбраенні. Пра гэта Аляксандр Лукашэнка заявіў на нарадзе ў Мінску.
Паводле яго слоў, Беларусь дзякуючы Расіі сёння мае тактычную ядзерную зброю, а ўжо ў снежні на баявое дзяжурства паступіць комплекс «Арэшнік».
«Сёння ў нас добрыя адносіны з брацкай Расіяй, з брацкай дзяржавай. «Арэшнік», ядзернае ўзбраенне… «Буравеснік», «Пасейдон» нам не патрэбны, вядома. Таму што гэты «Буравеснік» лётае суткі, можна запусціць з Уладзівастока — ён любую кропку паразіць. Навошта яго цягнуць на перадавую? Ці, дапусцім, «Пасейдон». Што мы, на Нарачы будзем «Пасейдон» запускаць?» — кажа Лукашэнка.
Тым не менш, мяркуе ён, калі гаворка ідзе пра абараназдольнасць краіны, спадзявацца толькі на такія віды ўзбраення, як «Арэшнік» і тактычная ядзерная зброя, нельга.
«Так, сапраўды, расіяне дапамагалі, дапамагаюць і будуць дапамагаць з прычыны той палітыкі, якую мы праводзім у дачыненні да Расіі. Але асноўныя ўзбраенні нам трэба мець свае, — кажа Лукашэнка. — Яшчэ раз падкрэсліваю: ракеты — гэта добра. Але ваяваць будуць людзі. І тыя ўзбраенні, якія людзям патрэбны, мы павінны ствараць. Не будуць так эфектыўныя беспілотнікі ў нас, як у стэпе і гэтак далей. У нас лясны масіў, не так проста беспілотнікамі ваяваць».
Ён дадаў, што гаворка ідзе пра такія віды ўзбраення, як аўтаматы, кулямёты і пісталеты, а таксама пра ваенную тэхніку.
«Прыехала ваенная тэхніка (дзесяць салдат — аддзяленне) — канфлікт ва Украіне паказвае гэта — мабільныя групы нанеслі ўдар і збеглі. На гэтай жа машыне з’ехалі хутка. Мы маем такія машыны. Ды і кітайцы нам прапануюць, расіяне. Але ў нас свае вельмі добрыя — «Волат» — выпускаем аўтамабілі, — сказаў ён. — Усё роўна гэты род войскаў [у выпадку ваеннага канфлікту] будзе вырашаць гэтыя праблемы на нашай тэрыторыі. На іншых тэрыторыях мы не збіраемся ваяваць. Нам не трэба захопліваць Літву, Латвію, Польшчу. Нам сваёй зямлі дастаткова, таму мы будуем сваю абарону».
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
И не факт, что всем мможешь командывать, генералиссимус ты наш...