У Баранавічах у парку паставілі адпужвальнік для птушак. Але ён адпужвае таксама і людзей
У цэнтры Баранавічаў у маладым парку паставілі гукавы адпужвальнік птушак, але ён выклікаў не радасць, а абурэнне мясцовых жыхароў. Прылада, якая павінна была адпужваць варон і галубоў, у выніку пужае людзей і стварае моцны шум увечары, піша BGMedia.
Жыхары навакольных вуліц — Камсамольскай, Прытыцкага, Гагарына і Горкага — скардзяцца, што «пужалка» чутная нават у кватэрах, выклікае галаўны боль і страх, асабліва калі ўвечары пачынаюцца крыкі драпежных птушак. У каментарах людзі жартуюць і абураюцца:
- «Я ўчора ледзь у штаны не наклаў, калі ішоў дахаты. Як па мне, то гэта здзек з людзей»;
- «Гэта жах, я думала, што трапіла ў парк Юрскага перыяду, і зараз вылеціць птэрадактыль»;
- «Гэта адпужвальнік дзяцей! Чатырохгадовая дачка і 5 хвілін не вытрымала на гульнявой пляцоўцы і моцна абуралася, уцякаючы дадому»;
- «Не толькі птушак адпужвае, але і людзей… Каля яго немагчыма знаходзіцца».
Многія лічаць, што праблема не ў птушках, а ў смецці — перапоўненыя кантэйнеры прыцягваюць варон і галубоў. Людзі прапануюць палепшыць асвятленне ў парку і навесці парадак з утылізацыяй смецця замест таго, каб ставіць шумныя прыстасаванні.
Эколагі і неабыякавыя гараджане адзначаюць, што гукавыя адпужвальнікі могуць адганяць дробных і рэдкіх птушак, якія з’яўляюцца важнай часткай экалагічнай сістэмы — яны знішчаюць шкоднікаў і падтрымліваюць здароўе дрэў.
Нягледзячы на масавыя скаргі, ёсць і тыя, хто падтрымлівае ідэю:
«Па-мойму, усё правільна … А то ідзеш і ў самы адказны момант — бац, і нешта на плячы».
Аднак большасць жыхароў перакананыя, што парк без птушак — ужо не парк, і просяць улады прыбраць адпужвальнік і зрабіць месца зноў прыемным для адпачынку людзей і жывой прыроды.
Галубы і вароны захапілі цэнтр Брэста
У Гродне — канфлікт чаек і людзей: адныя крычаць, другія разбураюць гнёзды
«Хутка ўсё з'ядуць». Рыбаловы скардзяцца, што ад гэтай птушкі няма паратунку
У Ашмянах пенсіянер пужаў петардамі птушак, а пакалечыў сам сябе
Птушкі нярэдка сутыкаюцца з шыбамі, асабліва падчас міграцый. Як ім памагчы ўратавацца?
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала25
Каментары