U Baranavičach u parku pastavili adpužvalnik dla ptušak. Ale jon adpužvaje taksama i ludziej
U centry Baranavičaŭ u maładym parku pastavili hukavy adpužvalnik ptušak, ale jon vyklikaŭ nie radaść, a abureńnie miascovych žycharoŭ. Pryłada, jakaja pavinna była adpužvać varon i hałuboŭ, u vyniku pužaje ludziej i stvaraje mocny šum uviečary, piša BGMedia.
Žychary navakolnych vulic — Kamsamolskaj, Prytyckaha, Haharyna i Horkaha — skardziacca, što «pužałka» čutnaja navat u kvaterach, vyklikaje hałaŭny bol i strach, asabliva kali ŭviečary pačynajucca kryki drapiežnych ptušak. U kamientarach ludzi žartujuć i aburajucca:
- «Ja ŭčora ledź u štany nie nakłaŭ, kali išoŭ dachaty. Jak pa mnie, to heta ździek ź ludziej»;
- «Heta žach, ja dumała, što trapiła ŭ park Jurskaha pieryjadu, i zaraz vylecić pteradaktyl»;
- «Heta adpužvalnik dziaciej! Čatyrochhadovaja dačka i 5 chvilin nie vytrymała na hulniavoj placoŭcy i mocna aburałasia, uciakajučy dadomu»;
- «Nie tolki ptušak adpužvaje, ale i ludziej… Kala jaho niemahčyma znachodzicca».
Mnohija ličać, što prablema nie ŭ ptuškach, a ŭ śmiećci — pierapoŭnienyja kantejniery pryciahvajuć varon i hałuboŭ. Ludzi prapanujuć palepšyć aśviatleńnie ŭ parku i navieści paradak z utylizacyjaj śmiećcia zamiest taho, kab stavić šumnyja prystasavańni.
Ekołahi i nieabyjakavyja haradžanie adznačajuć, što hukavyja adpužvalniki mohuć adhaniać drobnych i redkich ptušak, jakija źjaŭlajucca važnaj častkaj ekałahičnaj sistemy — jany źniščajuć škodnikaŭ i padtrymlivajuć zdaroŭje dreŭ.
Niahledziačy na masavyja skarhi, jość i tyja, chto padtrymlivaje ideju:
«Pa-mojmu, usio pravilna … A to idzieš i ŭ samy adkazny momant — bac, i niešta na plačy».
Adnak bolšaść žycharoŭ pierakananyja, što park biez ptušak — užo nie park, i prosiać ułady prybrać adpužvalnik i zrabić miesca znoŭ pryjemnym dla adpačynku ludziej i žyvoj pryrody.
Hałuby i varony zachapili centr Bresta
U Hrodnie — kanflikt čajek i ludziej: adnyja kryčać, druhija razburajuć hniozdy
«Chutka ŭsio źjaduć». Rybałovy skardziacca, što ad hetaj ptuški niama paratunku
U Ašmianach piensijanier pužaŭ pietardami ptušak, a pakalečyŭ sam siabie
Ptuški niaredka sutykajucca z šybami, asabliva padčas mihracyj. Jak im pamahčy ŭratavacca?
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ80
Kamientary