ФСБ заявіла, што сарвала аперацыю Украіны па ўгоне МіГ-31 для нібыта правакацыі на авіябазе NATO
Размова пра знішчальнік МіГ-31 з гіпергукавой ракетай «Кінжал», піша ТАСС са спасылкай на Цэнтр грамадскіх сувязяў ФСБ.
Ілюстрацыйнае фота Wikimedia Commons
ФСБ сцвярджае, што ўкраінская і брытанская разведкі планавалі завербаваць расійскіх лётчыкаў, паабяцаўшы ім тры мільёны даляраў.
Паводле версіі ведамства, на сувязь з расійскім лётчыкам выйшаў «супрацоўнік» расследавальніцкага выдання Bellingcat, які прадставіўся Сяргеем Лугаўскім.
Сцвярджаецца, што пасля гэтага Украіна нібыта збіралася накіраваць знішчальнік «у раён дыслакацыі найбуйнейшай у паўднёва-ўсходняй Еўропе авіябазы NATO» ў Румыніі, дзе ў мэтах «маштабнай правакацыі» ён мог быць збіты СПА NATO.
Сілавікі сцвярджаюць, што сарвалі аперацыю ўкраінскай і брытанскай разведак.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары