У Крамлі заявілі, што еўрапейскі мірны план ім не пасуе, а амерыканскі лепшы
У Крамлі заяўляюць, што еўрапейскі мірны план па спыненні расійска-ўкраінскай вайны не адпавядае іх інтарэсам. Пра гэта сказаў памочнік прэзідэнта Расіі Юрый Ушакоў, якога цытуе ТАСС.
Паводле слоў Юрыя Ушакова, Масква знаёмая з прапановамі краін ЕС, але лічыць іх «неканструктыўнымі» і непрымальнымі для сябе.
У той жа час Ушакоў адзначыў, што адзін з варыянтаў амерыканскага мірнага плана, які абмяркоўвалі на саміце на Алясцы, утрымлівае пункты, «прымальныя» для Расіі.
Ён таксама дадаў, што чакае магчымых кантактаў паміж ЗША і Расіяй для непасрэднага абмеркавання дэталяў гэтага плана, аднак пакуль ніякіх канкрэтных дамоўленасцяў няма.
Між тым дарадца кіраўніка Офіса прэзідэнта Украіны Аляксандр Беўз пасля перамоў у Жэневе адзначыў, што першапачатковы варыянт амерыканскага плана з 28 пунктаў «у тым выглядзе, у якім яго ўсе бачылі, больш не існуе».
Па словах Беўза,
- Украіна абмеркавала з ЗША кожны пункт дакумента;
- частка пунктаў была выдаленая, частка — перапрацаваная.
- усе заўвагі Кіева былі ўлічаныя — ніводная не праігнараваная.
Паводле інфармацыі Financial Times, амерыканскі план у выніку абмеркаванняў дамовіліся скараціць з 28 да 19 пунктаў. Што канкрэтна змянілася — невядома.
Каментары
Воюем до конца