Два беларускія аркестры — Нацыянальны акадэмічны народны аркестр Рэспублікі Беларусь імя Іосіфа Жыновіча і Сімфанічны аркестр Белдзяржтэлерадыёкампаніі — днямі «таемна» сабралі поўную залу. Нягледзячы на адсутнасць актыўнай рэкламнай кампаніі, канцэрты гэтых музыкаў ужо не першы раз праходзяць з аншлагам, а адданыя прыхільнікі настойваюць на захаванні «кулуарнасці», каб не правакаваць ажыятаж з квіткамі, піша Telegraf.news.
Кадрамі выступлення двух аркестраў на сцэне Беларускай дзяржаўнай філармоніі падзяліўся адзін з гледачоў у сацсетцы Threads, назваўшы канцэрт «беларускім варыянтам Imperial Orchestra» — расійскага сімфанічнага аркестра, вядомага сваімі маштабнымі тэхналагічнымі музычнымі шоу.
Рэпертуар беларускіх музыкаў у некаторых праграмах, сапраўды, перагукаецца з Imperial Orchestra. У прыватнасці, на выкладзеным відэа ў выкананні беларускіх музыкаў гучыць самая вядомая тэма з прыгодніцкай сагі «Піраты Карыбскага мора» — кампазіцыя He's a Pirate Клаўса Бадэльта, спрадзюсаваная Хансам Цымерам.
Карыстальнікі сацсеткі не скупіліся на захопленыя водгукі і заклікалі больш актыўна прасоўваць музычны калектыў.
Аднак многія пярэчылі тым, хто патрабаваў для калектыву актыўнага прасоўвання — не таму, што музыка не спадабалася, а з боязі, што так на канцэрты гэтых выканаўцаў будзе зусім не трапіць.
Па словах адданых прыхільнікаў Белдзяржфілармоніі, на іх канцэрты квіткі заўсёды раскупляюць да апошняга, прычым нярэдка моцна загадзя. Так, па словах аднаго з гледачоў, на іх навагоднюю праграму ўжо «даўно sold out».
«Добра, што рэкламы няма. Поўная зала, квіткоў не купіць. Яшчэ трохі — і будзе як у Лялечны», — зрабіў змрочны (прынамсі для гледачоў) прагноз адзін з каментатараў.
«Былі тыя, хто прыехаў а 6‑й раніцы». Мінчукі выстраіліся ў вялізную чаргу, каб набыць квіткі ў тэатр
Па квіткі на яго спектаклі гадзінамі стаяць у чэргах. Інтэрв'ю з новым рэжысёрам Тэатра лялек
Макс Корж анансаваў вялікі канцэрт у нечаканым месцы
Ганна Бонд плюецца ад канцэрта Алега Маямі. Паспрабавала нават вярнуць грошы
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў29
Каментары