Анлайн-гіпермаркет 21vek.by запусціў свой першы афлайн-праект. Ім стала крама мэблі і тавараў для дому, піша Tochka.by.
Прастору адкрылі ў ГЗЦ «Чэрвеньскі». На 2700 «квадратах» выстаўлены гатовыя інтэр'ерныя рашэнні: гасцёўні, спальні, кухні, працоўныя і дзіцячыя зоны.
Пакупнік можа ўжывую праверыць, наколькі зручная ўпадабаная канапа, ці падыходзіць вышыня стала, як адкрываюцца фасады і спалучаюцца матэрыялы.
Калі ж у гандлёвай зале няма патрэбнага варыянта, яго абяцаюць заказаць з асартыменту анлайн-гіпермаркета і прывезці ў краму ці адразу на дом.
Новы праект, па словах кампаніі, закліканы аб'яднаць перавагі анлайн– і афлайн-шопінгу.
Фота: Павел Русак / Tochka.by
Там можна разглядаць варыянты без ціску кансультантаў, параўноўваць і выбіраць, але як толькі ўзнікне пытанне, то супрацоўнікі абавязкова дапамогуць.
Акрамя таго, абяцаюць аказваць і дадатковыя паслугі: распрацоўку праекта мэбліроўкі, прафесійную зборку і дастаўку па ўсёй краіне.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый20
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары