Транспартная інспекцыя адрэагавала на рэзанансны інцыдэнт з таксі ў Брэсце. Праведзена сустрэча з вадзіцелямі і кіраўнікамі кампаній-перавозчыкаў, дзе гаварылі пра тое, што бяспека дзяцей — прыярытэт.
Нядаўні выпадак, калі вадзіцель таксі высадзіў непаўналетняга пасажыра, які потым згубіўся і быў знойдзены супрацоўнікамі міліцыі, выклікаў шырокі грамадскі рэзананс, піша Белта.
Як паведамлялі мясцовыя СМІ, выпадак здарыўся 17 лістапада. Бацькі прывезлі сына на сеанс масажу даволі далёка ад дому і з'ехалі дадому.
Пасля завяршэння сеанса выклікалі дзіцяці таксі. Масажыст пасадзіў хлопчыка ў машыну і сышоў. Праз некаторы час вадзіцель пачаў цікавіцца, ці ёсць у дзіцяці грошы для аплаты паездкі ці тэлефон. Пачуўшы, што няма ні таго, ні другога, вырашыў высадзіць дзіця прама пасярод вуліцы. Кіроўца адмяніў замову і з'ехаў.
Хлопчык, не ведаючы мясцовасці, заблудзіўся. Па камерах назірання змаглі зразумець, што ён пайшоў у супрацьлеглы бок ад дома і знайшоў сховішча на пустым прыпынку. Праз паўтары-дзве гадзіны дзіця знайшлі.
Як паведаміў першы намеснік начальніка філіяла Транспартнай інспекцыі па Брэсцкай вобласці Дзяніс Рахатка, асоба вадзіцеля ўстаноўлена. Ім аказаўся 48‑гадовы жыхар Брэста.
Кіроўца прыцягнуты да адміністрацыйнай адказнасці па арт. 18.26 КаАП (парушэнне кіроўцам аўтамабіля-таксі правілаў перавозкі пасажыраў).
«Каб выключыць паўтарэнне такіх сітуацый, філіялам інспекцыі праведзена сустрэча з вадзіцелямі таксі і кіраўнікамі кампаній-перавозчыкаў. Абмяркоўваліся пытанні забеспячэння бяспекі непаўналетніх, а таксама павышэнне адказнасці вадзіцеляў», — сказаў Дзяніс Рахатка.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
Іншы асталоп пасадзіў дзіцёнка ў машыну нічога не патлумачыўшы і пайшоў.
Трэці асталоп высадзіў дзіцёнка.
Чаму пакаралі аднаго асталопа?